Privacy Policy

Для получения наилучшего пользовательского опыта, пожалуйста, загрузите последнюю версию Internet Explorer или откройте страницу в другом браузере.
HUQUQIY
Huawei Consumer Business maxfiylik bayonnomasi

Huawei Consumer Business maxfiylik bayonnomasi yangilangan sana
2020-yil, 27-mart

Huawei Device Co., Ltd. va uning dunyo boʻylab joylashgan filiallari (birgalikda “Huawei”, “biz”, “bizga” va “bizning” deb yuritiladi) maxfiyligingizga jiddiy yondashadi. Shuning uchun biz shaxsiy maʼlumotlarni olish, foydalanish, oshkor qilish, himoyalash, saqlash, uzatish va boshqa jarayonlarni qamrab oluvchi Maxfiylik bayonnomasini (bundan keyingi oʻrinlarda “bu Bayonnoma” deb yuritiladi) ishlab chiqdik. Biroz vaqt ajratib bizning maxfiylik bayonnomamiz bilan tanishib chiqing va agar savollaringiz boʻlsa, bizga xabar bering.

Shaxsiy ma’lumotlar – kishining shaxsini aniqlash yoki uning kimligini bildirish uchun alohida yoki boshqa ma’lumotlar bilan birgalikda foydalaniladigan har qanday elektron yoki boshqa axborot hisoblanadi. Bu Bayonnoma Huawei shaxsiy ma’lumotlaringizdan qanday foydalanishini tushuntiradi, lekin bu muayyan foydalanish jarayonida siz xabardor qilinadigan barcha jarayonlar tafsilotini qamrab olmaydi. Shu sababli muayyan mahsulot yoki xizmatdan foydalanishdan oldin Huawei ma’lumotingizdan qanday foydalanishi, axborot yuzasidan huquqlaringizdan qanday foydalanish va axborot nazoratchisiga qanday murojaat qilish mumkinligini tushunish uchun Huawei tomonidan ushbu mahsulot yoki xizmat uchun chiqarilgan maxfiylik eslatmasi yoki qo‘shimcha xulosani o‘qib chiqish tavsiya etiladi.

Ushbu Bayonnoma faqat Huawei kompaniyasining shaxsiy va maishiy mahsulotlari, jumladan, oddiy telefon, smartfon, noutbuk, planshet, taqiladigan qurilmalar, keng diapazonli mobil qurilmalar, smart maishiy texnikalar, aksessuarlar, kompyuter ilovalari, mobil aloqa xizmatlari, dasturiy taʼminot, uskunalar jamlanmasi, veb-saytlar va ushbu Bayonnomada keltirilgan yoki aytilgan xizmatlarni oʻz ichiga oladi.

I. Huawei shaxsiy axborotlaringizni qanday oladi va foydalanadi

A. Huawei tomonidan olinadigan shaxsiy axborotlar

Huawei mahsulot yoki xizmatlaridan foydalanishdan oldin shaxsiy maʼlumotingizni kiritishingiz talab qilinishi mumkin. Shaxsiy axborotlaringizni Huawei kompaniyasiga taqdim etishga majbur emassiz, lekin, ayrim hollarda agar shaxsiy maʼlumotlarni taqdim etmasangiz, biz ayrim tegishli mahsulot yoki xizmatlarni taqdim eta olmaymiz.

Huawei shaxsiy maʼlumotlaringizni ushbu Bayonnomada keltirilgan maqsadlarda oladi va foydalanadi. Quyida olishimiz mumkin boʻlgan shaxsiy maʼlumotlarga ayrim misollar keltirilgan:

1. Huawei kompaniyasiga taqdim etadigan shaxsiy maʼlumotlaringiz

Muayyan funksiya yoki xizmatlardan foydalanish uchun Huawei ID hisobini yaratishingiz kerak. Huawei ID hisobini yaratganingizda yoki onlayn xarid qilish, dasturlarni yuklab olish yoxud xizmatlarni xarid qilish uchun Huawei ID hisobingizga kirganingizda biz ism, e-pochta manzili, mobil telefon raqami, buyurtma haqidagi axborot, yetkazib berish manzili hamda toʻlov turi kabi shaxsiy axborotlarni taqdim etishingizni soʻraymiz.

Huawei sizga ayrim fayl, rasm va boshqa maʼlumotlaringizni sinxronlash va zaxiralash imkonini beradigan bulutdagi xotira xizmatlarini taqdim etishi mumkin.

Ayrim Huawei mahsulotlari sizga boshqalar bilan muloqot qilish va maʼlumot almashish imkonini beradi. Huawei mahsulotidan oilangiz va tanishlaringizga maʼlumot ulashish uchun foydalanganingizda, sizdan Huawei ID yaratish talab qilinishi mumkin. Unga ommaviy koʻrinadigan maʼlumotlar, jumladan, nik va avatar kabi maʼlumotlar kiradi. Huawei bunday shaxslarga oid maʼlumotlarni, masalan, ularning ismi, elektron pochtasi va telefon raqamini olishi mumkin. Huawei siz taqdim qilgan maʼlumotlarning xavfsizligini taʼminlash uchun tegishli choralarni koʻradi. Agar boshqalarning maʼlumotlarini taqdim etayotgan boʻlsangiz, ular oʻz maʼlumotlarini Huawei kompaniyasiga taqdim qilishga rozilik berishi zarur.

Hisoblardagi nomlarning haqiqiyligini tekshirishda ayrim yurisdiksiyalar talabini bajarish, kompyuter o‘yinlariga mukkasidan ketish yoki Internet toʻlovining oldini olish uchun Huawei shaxsingizni tasdiqlovchi, hukumat tomonidan berilgan hujjat yoki karta maʼlumotlarini taqdim etishingizni soʻrashi mumkin.

2. Xizmatlardan foydalanilganda Huawei oladigan maʼlumotlar

Huawei qurilmangiz, shuningdek, siz va qurilmangiz Huawei mahsulot va xizmatlari bilan qanday ma’lumot almashishi haqidagi maʼlumotlarni oladi. Bunday axborotlarga quyidagilar kiradi:

(1) Qurilma va ilova haqidagi axborotlar, jumladan, qurilma nomi, qurilmaning identifikatsiya kodi (IMEI, ESN, MEID va SN), qurilmani faollashtirish vaqti, qurilma modeli, operatsion tizim versiyasi, ilova versiyasi, dasturiy taʼminotining identifikatsiya kodi, qurilma va dastur sozlamalari (masalan mintaqa, til, vaqt mintaqasi va shrift oʻlchami).

(2) Mobil tarmoq haqidagi axborot, jumladan, ommaviy yerusti mobil aloqa tarmogʻi (PLMN) provayderi ID raqami va Internet protokol (IP) manzili.

(3) Jurnaldagi axborotlar. Huawei xizmatlaridan foydalanganingizda yoki Huawei taqdim etgan kontentni ochganingizda, Huawei kirish vaqti, kirishlar soni, IP manzil va hodisalar (xatolik, buzilish, qayta ishga tushish va yangilanishlar) haqidagi maʼlumotlarni avtomatik ravishda oladi va jurnalga qayd qiladi.

(4) Joylashuv haqidagi axborot. Ayrim joylashuvga asoslangan xizmatlardan foydalanganingizda (masalan qidiruv, navigatsiya dasturidan foydalanganingizda yoki muayyan joyga oid ob-havo axborotini olganingizda) Huawei qurilmangizning taxminiy yoki aniq joylashuvi haqidagi axborotlarni oladi, foydalanadi yoki qayta ishlaydi. Joylashuv axboroti GPS, Wi-Fi va xizmat provayderining tarmoq ID raqami asosida olinishi mumkin. Biz sizdan joylashuv xizmatlarini yoqishni xohlagan ilovalarni tanlashingizni soʻraymiz. Joylashuv axborotingizni ulashishni rad etish uchun qurilma sozlamalarida muayyan xizmatlarning joylashuv axborotini olishini taqiqlashingiz mumkin.

(5) Huawei serverlarida saqlaydigan axborotlaringiz. Masalan, bulutdagi xotiraga yuklagan maʼlumotlaringiz tezkor kirish hamda qurilmalar orasida oson ulashish uchun Huawei serverlarida saqlanadi. Biz Huawei serverlarida saqlaydigan axborotlaringizni ochmaymiz.

3. Tashqi manbalardan olinadigan axborotlar

Qonunlarda ruxsat berilgan hollarda, Huawei ommaviy va tijorat manbalaridan siz haqingizdagi maʼlumotlarni oladi. Shuningdek, Huawei tashqi ijtimoiy tarmoqlardan ayrim axborotlarni, masalan, Huawei veb-saytiga kirish uchun ijtimoiy tarmoq hisobidan foydalangan vaqtingizni qayd qilishi mumkin.

4. Identifikatsiya qilinmaydigan maʼlumotlarni olish va foydalanish

Identifikatsiya qilinmaydigan maʼlumotlar – bu biror shaxsni identifikatsiya qilish uchun ishlatilmaydigan maʼlumotlardir. Identifikatsiya qilinmaydigan maʼlumotlarga veb-saytga kirish, ilovani yuklab olish va mahsulotni sotish hajmi boʻyicha statistik maʼlumotlarni misol qilish mumkin. Huawei foydalanuvchilarning mahsulot va xizmatlarni qanday ishlatishini tushunish uchun statistik maʼlumotlarni oladi. Biz shu tariqa ehtiyojlaringizni yanada yaxshiroq qondirish uchun xizmatlarimizni rivojlantirishimiz mumkin.

Biz shaxsiy maʼlumotlaringiz va shaxsni aniqlamaydigan maʼlumotlarni alohida saqlaymiz va ulardan alohida foydalanamiz. Ayrim hollarda Huawei o‘z xohishiga ko‘ra boshqa maqsadlarda shaxsni aniqlamaydigan ma’lumotlarni olishi, foydalanishi, oshkor qilishi va uzatishi mumkin.

B. Huawei shaxsiy maʼlumotlaringizdan qanday foydalanadi

Huawei shaxsiy maʼlumotlaringizdan quyidagi maqsadlarda foydalanishi mumkin:

(1) Siz xarid qilgan Huawei shaxsiy va maishiy mahsulotlarini registratsiya qilish va faollashtirish uchun.

(2) Turli funksiya va mobil xizmatlardan kengroq foydalanishingiz uchun Huawei ID hisobini registratsiya qilish.

(3) Siz soʻragan mahsulot va xizmatlarni yetkazib berish, faollashtirish yoki tasdiqlash yoki talablaringiz asosida yuqoridagi mahsulot va xizmatlarga oʻzgartirishlar kiritish, texnik xizmat koʻrsatish va sotuvdan keyingi xizmatlarni koʻrsatish uchun.

(4) Sizga operatsion tizim yoki ilova yangilanishlari va oʻrnatish haqida bildirishnomalar yuborish uchun.

(5) Moslangan foydalanuvchi taassuroti va kontentni taqdim etish uchun.

(6) Sizni qiziqtirishi mumkin boʻlgan mahsulot va xizmatlar haqidagi maʼlumotlarni yuborish, Huawei promoaksiya va soʻrovnomalariga taklif qilish yoki marketing axborotlarini yuborish uchun. Agar fikringizdan qaytsangiz, istalgan payt roziligingizni bekor qilishingiz mumkin.

(7) Ichki audit, maʼlumotlar tahlili va tadqiqotlarni oʻtkazish; biznes jarayonlarining samaradorligini tahlil qilish hamda bozordagi ulushlarni hisoblash; Huawei mahsulot va xizmatlarini takomillashtirish uchun.

(8) Siz yuklagan yoki yuklab olgan maʼlumotlarni sinxronizatsiya qilish, ulashish va saqlash, shuningdek, yuklash va yuklab olish amallari uchun kerakli maʼlumotlar.

(9) Zararlarning oldini olish va firibgarlikka qarshi dasturlarimizni takomillashtirish uchun.

(10) Qonun va qoidalarga, masalan soliq, hukumat talablariga muvofiq jarayonlar uchun.

(11) Muayyan xizmatlar yoki sizning roziligingizga asosan boshqa maqsadlarda.

II. Huawei cookie va shu kabi texnologiyalardan qanday foydalanadi

A. Cookie

Cookie – bu kompyuterda yoki mobil qurilmada veb-server tomonidan saqlangan matnli fayl bo‘lib, cookie-fayl kontenti faqat cookie yaratgan server tomonidan olinishi va o‘qilishi mumkin. Cookie-fayllar siz foydalanadigan brauzer yoki mobil ilova uchungina xosdir. Cookie-fayldagi matn odatda identifikatorlar, sayt nomlari va ayrim raqamlar va belgilardan tashkil topadi.

Ba’zida, Huawei foydalanuvchilar tajribasini takomillashtirish maqsadida kompyuterlar va mobil qurilmalardagi cookie-fayllarni saqlaydi, bunday tajribalar qatoriga quyidagilar kiritiladi:

(1) Texnik cookie-fayllar: Kirish va tasdiqlash. Veb-saytga kirish uchun Huawei ID hisobidan foydalanganingizda, “seans asosidagi” cookie-fayllar ushbu sayt funksiyalariga kirishingizni imkon qadar muammosiz bo‘lishini ta’minlaydi.

(2) Personalizatsiya cookie-fayllari: Siz afzal ko‘rgan funksiyalar va sozlamalarni saqlash. Bu veb-sayt sozlamalarni, jumladan sizning kompyuteringiz yoki mobil qurilmangizdagi til sozlamasi va shrift o‘lchami, xarid savatingizdagi mahsulotlar va boshqa brauzer sozlamalari kabilarni saqlash uchun cookie-fayllardan foydalanishi mumkin.

(3) Reklama bo‘yicha cookie-fayllar. Huawei sizning onlayn faoliyatlaringiz va qiziqishlaringiz haqida ma’lumot to‘plash va sizga ko‘proq bog‘liq bo‘lgan reklamalarni taqdim etish uchun cookie-fayllardan foydalanadi.

(4) Statistik cookie-fayllar. Cookie-fayllar yordamida Huawei sizning bizning veb-saytlarimiz va boshqa ilovalarimizdan bir martalik tashrif (bitta seans cookie-faylidan foydalanish) yoki takroriy tashriflar (doimiy cookie-fayllaridan foydalanish) asosida foydalanishingiz haqida ma’lumot to‘plashi mumkin.

(5) Ijtimoiy tarmoqlar cookie-fayllari. Ijtimoiy tarmoqlar cookie-fayllari “Like” (”yoqdi”) tugmalari va “Share” (”ulashish”) tugmalari kabi uchinchi tomonlar tarafidan taqdim etilgan xizmatlar bilan bog‘liq. Uchinchi tomon bizning veb-saytlarimizga tashrif buyurganigingizni qayd qilganidan so‘ng ushbu xizmatlarni taqdim qiladi.

O‘zingiz xohishingizga ko‘ra cookie-fayllarni boshqarishingiz yoki o‘chirishingiz mumkin. Batafsil ma’lumot olish uchun quyidagi saytga tashrif buyuring: AboutCookies.org. Kompyuteringizda saqlanib qolgan barcha cookie-fayllarni o‘chirishingiz mumkin, shu bilan birga eng ko‘p ishlatilinadigan veb-brauzerlarda cookie-fayllarni bloklash imkoniyati mavjud. Biroq cookie-fayllar bloklansa veb-saytimizga har safar tashrif buyurganingizda foydalanuvchi sozlamalarini o‘zgartirishga to‘g‘ri keladi. Brauzeringiz uchun cookie-fayllar sozlamalarni boshqarishni quyidagi havolada ko‘rishingiz mumkin: Internet Explorer > Google Chrome > Mozilla Firefox > Safari > Opera.

Agar siz cookie-fayllarni o‘chirsangiz, kelasi safar Huawei veb-saytlariga tashrif buyurganingizda sozlamalaringizni o‘zgartirishingiz kerak bo‘ladi. Huawei xizmatlaridan ayrimlari cookie-fayllardan foydalanishni talab qilishini hisobga oling. Cookie-fayllarini o‘chirib qo‘yish bu xizmatlarning ayrim yoki barcha funktsiyalaridan foydalanishingizga ta’sir qilishi mumkin.

B. Veb-mayoq va pikselli teglar

Cookie-fayllardan tashqari Huawei va ba’zi uchinchi tomonlar veb-saytlarda veb-mayoqlar va pikselli teglardan foydalanishlari mumkin. Veb-mayoq bu siz veb-saytga yo elektron pochtaga kirganingizda qurilmangiz cookie-fayllarini aniqlash uchun veb-saytga yoki elektron pochtaga joylashtirilgan elektron grafik tasvirdir. Pikselli teglar Huawei kompaniyasiga siz uchun o‘qishga qulay va elektron pochtangizni ochganda ko‘radigan yo‘l bilan elektron xatlarni jo‘natish imkonini beradi.

Huawei va ba’zi bir uchinchi tomonlar ushbu texnologiyalardan xizmatdan foydalanishni tahlil qilish (cookie-fayllar bilan birga) va siz uchun qoniqarli kontent va reklamalar berish kabi maqsadlarda foydalanadi. Masalan, siz Huawei kompaniyasidan elektron pochta xabari olganingizda, u xabarda Huawei veb-sahifasiga havola qilinadigan ustiga bosiladigan URL bo‘lishi mumkin. Havolani bossangiz, mahsulotlar va xizmatlari bo‘yicha siz afzal ko‘rgan jihatlarni o‘rganishda bizga yordam berish va mijozlarga ko‘rsatiladigan xizmatlarni yaxshilash uchun Huawei tashrifingizni kuzatadi. Bu shaklda kuzatilishni xohlamasangiz, Huawei kompaniyasining pochta yuborish xizmatiga obunangizni istalgan paytda bekor qilishingiz mumkin.

C. Boshqa mahalliy xotira

Huawei va ba’zi uchinchi tomonlar muayyan mahsulot va xizmatlarda mahalliy umumiy obyektlar (“Flash cookie-fayllar” deb ham nomlanadi) va HTML5 mahalliy xotira kabi boshqa mahalliy xotirlardan foydalanishi mumkin. Cookie-fayllarga o‘xshab, ushbu texnologiyalar qurilmangizdagi ma’lumotlarni saqlaydi va sizning faoliyatingiz va afzal ko‘rgan jihatlaringiz haqida ba’zi ma’lumotlarni yozib olishi mumkin. Biroq bu texnologiyalar cookie-fayllardan boshqacha vositalardan foydalanishlari mumkin. Shu sababli siz ularni standart brauzer vositalari va sozlamalaridan foydalangan holda boshqara olmasligingiz mumkin. Flash cookie-fayllaridagi ma’lumotlarni qanday o‘chirib qo‘yish yoki o‘chirish haqida batafsil ma’lumot uchun ushbu havolani bosing.

D. Do Not Track (Kuzatilmasin)

Ko‘p veb-brauzerlar veb-saytlarga kuzatilmasligi so‘ralishi mumkin bo‘lgan “Do Not Track” (“Kuzatilmasin”) funksiyasini taqdim etadi. Hozirgi kunda Internet standartlashtirish tizimining yirik tashkilotlari veb-saytlar ushbu talablarga qanday javob berish kerakligini aniqlash bo‘yicha tartib-qoidalar o‘rnatmagan.

Brauzeringizda “Do Not Track” (“Kuzatilmasin”) yoki brauzeringiz taqdim etishi mumkin boʻlgan boshqa funksiyalarni yoqsangiz, Huawei ushbu bayonnomada keltirilganidek maʼlumotlaringizni olish va ulardan foydalanish usulimizni oʻzgartirmaydi. Lekin, “Do Not Track” (“Kuzatilmasin”) soʻrovingizga javob berish va oldindan xabar bermasdan maʼlumotlaringizning olinishini toʻxtatish huquqini o‘zimizda saqlab qolamiz.

III. Huawei shaxsiy maʼlumotlaringizni qanday ulashadi

Biz quyidagilardan tashqari holatlarda hech qanday kompaniya, tashkilot va shaxslarga shaxsiy maʼlumotlaringizni ulashmaymiz:

(1) Rozilik asosida ulashish: Roziligingizni olgach, Huawei siz ruxsat bergan maʼlumotlarni tegishli uchinchi tomonlar yoki uchinchi tomon turkumlariga ulashadi.

(2) Huquqiy majburiyatlar hamda qonun va qoidalarga muvofiq ravishda ulashish: Huawei axborotlaringizni qonun va qoidalarda talab qilingan shaklda huquqiy nizolarni hal qilish uchun yoki qonunchilikka binoan maʼmuriy yoki vakolatli sud organlari talab qilgan hollarda ulashishi mumkin.

(3) Huawei filiallariga ulashish: Axborotlaringiz Huawei kompaniyasi filiallariga faqat oshkora va qonuniy maqsadlar uchun ulashilishi mumkin hamda bu ulashish faqatgina xizmatlar talab qiladigan maʼlumotlar bilan cheklanadi. Masalan, biz hisoblarni registratsiya qilishga ruxsat berishdan oldin ularning global jihatdan unikalligini tekshiramiz.

(4) Biznes hamkorlarga ulashish: Ayrim mahsulotlar va/yoki xizmatlarni sizga bevosita hamkorlarimiz taqdim etadi. Huawei axborotingizni ularga ulashishi, ular esa sizga kerakli mahsulot va/yoki xizmatlarni (masalan, Huawei elektron tijorat platformasi orqali uchinchi tomon sotuvchisidan xarid qilinadigan mahsulotlar, Huawei ilovasi orqali boshqa kompaniyalar taqdim qiladigan video kontent) sizga taqdim etish, qiziqishlaringizni taxminan aniqlash hamda sizni reklama, tashviqot materiallari bilan taʼminlash uchun axborotlaringizdan foydalanishi mumkin

(5) Xizmat provayderlariga ulashish: Shuningdek, Huawei xizmatlarni sizga oʻz yoki bizning nomimizdan taqdim etadigan kompaniyalarga ham axborotlaringizni oshkor qilishi mumkin. Mazkur xizmat provayderlariga misol sifatida mijozlarga yordam xizmati tezkor raqami xizmatlari, elektron xat yuborish xizmatlarini taqdim etuvchi yoki Huawei nomidan texnik yordam koʻrsatuvchi kompaniyalarni keltirish mumkin. Huawei bunday shaxsiy axborotlaringizni xizmat provayderiga faqat tegishli xizmatlarni sizga taqdim etishi uchun ulashadi hamda xizmat provayderlari axborotlaringizdan faqat xizmatlarni sizga taqdim etish maqsadlarida foydalana oladi.

(6) Huawei axborotlaringizni faqat talab qilingan holatlarda, masalan, amaldagi qonunchilik, tartib-qoidalar, sud ishi yoki davlatning sud tartibida bajarilishi kerak boʻlgan talablarini qondirishda ulashishi mumkin.

3-dan 6-paragrafgacha boʻlgan vaziyatlarda Huawei bunday ulashishning qonunga muvofiqligini tekshiradi va qatʼiy oshkor etmaslik kelishuvlari va/yoki maʼlumotlar ulashilgan kompaniya, tashkilot va jismoniy shaxslar bilan maʼlumotlarni qayta ishlash yuzasidan tegishli qoidalarni imzolaydi va ulardan ushbu Bayonnomaga rioya qilish barobarida, shaxsiy maʼlumotlarni qayta ishlashda tegishli tarzda maxfiylik va xavfsizlik choralarini koʻrishni talab qiladi.

IV. Huawei shaxsiy maʼlumotlaringizni qanday himoya qiladi

Huawei shaxsiy maʼlumotlaringiz xavfsizligiga jiddiy yondashadi va ularni himoya qilish hamda ruxsatsiz foydalanish, shuningdek, ularning oshkora qilish, ulardan foydalanish, oʻzgartirish, zarar yetkazish yoki yoʻqotilishining oldini olish uchun sohadagi standart tajribalarni tatbiq qiladi. Shu maqsadda Huawei kompaniyasi quyidagi choralarni ko‘radi:

(1) Biz olinadigan shaxsiy maʼlumotlar miqdorining minimal boʻlishi hamda ular qayta ishlash maqsadlaridagi ehtiyojni qondirish bilan bogʻliqligini taʼminlash uchun oqilona va amaliy choralar koʻramiz. Biz shaxsiy maʼlumotlaringizni ushbu Bayonnomada va muayyan mahsulot yoki xizmatlarning maxfiylik eslatmasida bayon qilingan maqsadlar uchun zarur muddatgacha saqlaymiz. Saqlash muddatini uzaytirish qonun tomonidan talab qilingan yoki taqiqlangan holatlar bundan mustasno.

(2) Biz maʼlumotlarni uzatishda axborot xavfsizligini taʼminlash uchun kriptografiya kabi bir qator texnologiyalardan foydalanamiz. Biz ishonchli himoya mexanizmlari yordamida maʼlumotlar va maʼlumotlar saqlanadigan serverlarni turli hujumlardan himoyalaymiz.

(3) Biz shaxsiy maʼlumotlaringizdan faqat ruxsat berilgan xodimlar foydalana olishini taʼminlash uchun kirishni nazorat qilish mexanizmlaridan foydalanamiz. Bundan tashqari, biz xizmat koʻrsatish talablari va shaxsiy darajalarga asoslangan holda, maʼlumotlardan foydalanishga ruxsat berilgan xodimlarning sonini nazorat qilamiz va ular uchun iyerarxik ruxsat boshqaruvini joriy qilamiz.

(4) Biz biznes hamkorlar hamda xizmat provayderlarini qat’iy talablar asosida tanlaymiz hamda shaxsiy maʼlumotlarni himoya qilish talablarini tijoriy shartnomalar, audit va baholash faoliyatiga kiritamiz.

(5) Biz xodimlarning shaxsiy maʼlumotlarni himoyalash boʻyicha malakasini oshirish maqsadida, xavfsizlik va maxfiylik muhofazasi boʻyicha kurslar, testlar va ommaviy tadbirlarni tashkil qilamiz.

Huawei shaxsiy maʼlumotlaringizni himoya qilishni oʻz zimmasiga oladi. Shunga qaramay, hech qanday xavfsizlik chorasi mukammal hisoblanmaydi va mahsulot, xizmat, veb-sayt, axborot uzatish jarayoni, hisoblash tizimi yoki tarmoq aloqasi mutlaqo xavfsiz boʻlmaydi.

Huawei shaxsiy maʼlumotlarning oshkor etilishi, shikastlanishi va yoʻqotilishi kabi ehtimoliy xatarlarning oldini olish uchun bir nechta mexanizmlar va nazorat choralarini ishlab chiqqan, xavfsizlikka oid holatlar va zaifliklar standartlari, shuningdek, maʼlumotlarni tegishli tarzda qayta ishlash tartiblarini aniq belgilab olgan hamda alohida Xavfsizlik yuzasidan maslahatlar va xavfsizlik eslatmasi sahifasini yaratgan. Huawei xavfsizlikni taʼminlashni rejalashtirish, yoʻqotishlarni kamaytirish, tahlil, joylashtirish hamda tuzatishlarni amalga oshirish va xavfsizlik tizimidagi muammoli holatlarni bartaraf etish qoidalari va talablariga asosan tegishli boʻlinmalar bilan kuzatuvni amalga oshirish uchun maxsus favqulodda holatlar guruhini tashkil qilgan.

Sizning shaxsiy ma’lumotlaringiz bo‘yicha muammoli vaziyat yuzaga kelsa, Huawei tegishli huquqiy hujjatlar va tartib-qoidalar talablarga muvofiq o‘sha muammoli vaziyat va uning ehtimoliy ta’siri, Huawei ko‘rgan yoki ko‘radigan choralar, faol himoyalanish va xavfni kamaytirish bo‘yicha takliflar va uni bartaraf qilish tadbirlari haqida sizga bildirgi beradi. Bu bildirishnoma elektron pochta orqali xabar, matnli xabar, majburiy bildirishnomalar va boshqa shaklida bo‘lishi mumkin. Agar ma’lumotlar mavzusini birma-bir bildirish qiyin bo‘lsa, biz Xavfsizlik bildirishnomasi chiqarish uchun tegishli va samarali choralarni ko‘ramiz. Bundan tashqari, biz, vakolatli organlar talabiga asosan shaxsiy maʼlumotlar xavfsizligi boʻyicha muammoli vaziyatning nazorat holati haqida ham xabar beramiz.

V. Shaxsiy maʼlumotlaringizni qanday boshqara olasiz

A. Kirish, tuzatish, oʻchirish, maʼlumotlarni boshqa shaklga oʻtkazish, qayta ishlashni cheklash, qayta ishlashga eʼtiroz bildirish.

Huawei mahsulot va xizmatlarini taqdim etadigan yoki Huawei shaxsiy maʼlumotlarni qayta ishlaydigan ayrim mamlakat va hududlardagi qonunlarga muvofiq maʼlumotlarga kirish, ularni tuzatish, tozalab tashlash yoki oʻchirishga doir talablar (bundan keyin “talablar” deb yuritiladi) tegishli tarzda amalga oshiriladi va Huawei bunday shaxsiy maʼlumotlarni qayta ishlash huquqini oʻzida saqlab qoladi. Shuningdek, maʼlumot subyektlari maʼlumotlarni boshqa shaklga oʻtkazish va cheklash hamda ularga tegishli shaxsiy maʼlumotlarning Huawei tomonidan qayta ishlanishiga eʼtiroz bildirish, jumladan, bunday qayta ishlash rozilik asosida amalga oshiriladigan holatlarda rozilikni bekor qilish huquqiga ega.

1. Soʻrov holatlari va kanallari

Maʼlumotlar subyektlarining soʻrovlari Huawei tomonidan belgilangan maxfiylik kanallariga muvofiq yuborilishi zarur. Soʻrovchi tegishli so‘rovlarni asoslovchi qonunlarni koʻrsatmagan hollarda ham bunday soʻrovlar haqiqiy hisoblanadi.

Maʼlumot subyektlarining soʻrovlari Huawei kompaniyasining mijozlar bilan ishlash rasmiy veb-sayti yoki Huawei Mobile Service ilovalarining istalgan biri, jumladan, lekin bu bilan cheklanmagan holda, Huawei ID, AppGallery hamda HiCare orqali amalga oshirilishi mumkin. Agar maʼlumot obyekti ishonch telefoni, elektron pochta, onlayn mijozlarga xizmat markazi, servis markazi yoki boshqa kanallar orqali soʻrov yuborsa, aloqaga koʻmaklashish hamda yutuq va natijalar haqida fikr-mulohaza olish uchun maʼlumot obyektiga yuqorida qayd etilgan kanallardan biri orqali soʻrovni rasman amalga oshirish yuzasidan tegishli koʻrsatmalarni beramiz. Ma’lumot subyektlari uchun belgilangan soʻrov kanallari maʼlumot subyektlarining qonuniy manfaatlarini himoya qilish, Huawei kompaniyasining ish barqarorligini taʼminlash hamda notoʻgʻri foydalanish yoki firibgarlik yoʻli bilan foydalanishning oldini olishga moʻljallangan.

2. Soʻrovlarning yaroqliligi

Qonunlar asosan soʻrov amalga oshirilganida maʼlumot subyektlarining muayyan talablarga amal qilishini talab qiladi. Mazkur Bayonnoma maʼlumotlar subyektlaridan quyidagilarni talab qiladi:

(1) Soʻrovlarni Huawei tomonidan taqdim qilingan alohida soʻrov kanallari orqali yuborish (aynan, Huawei kompaniyasining mijozlar bilan ishlash rasmiy veb-sayti yoki Huawei Mobile Service ilovalari, jumladan, lekin bu bilan cheklanmagan holda, Huawei ID, AppGallery va HiCare).

(2) Ularning shaxsini aniqlash uchun Huawei kompaniyasiga yetarli maʼlumotni taqdim eting (maʼlumotlar subyektlari yuzasidan soʻrovlarni amalga oshirgan shaxslarning o‘zi yoki ularning vakiliga berilishini taʼminlash uchun).

(3) Ularning talablari aniq va bajarsa boʻladigan ekaniga ishonch hosil qiling.

Qonun va qoidalarda koʻrsatilgan, ularga asosan Huawei soʻrovni toʻla yoki butunlay bajara olmaydigan ayrim holatlar mavjud.

B. Rozilikni bekor qilish

Siz oʻz roziligingiz asosida va qayta ko‘rib chiqilgunga qadar maʼlumotlarni qayta ishlash jarayonining qonuniyligini buzmasdan, ruxsat etilgan shaxsiy maʼlumotlarni olish ko‘lamini oʻzgartirishingiz yoki roziligingizni bekor qilishingiz mumkin.

Sizning huquqlaringiz Huawei mahsulotidagi ma’lumotlarni o‘chirish, tegishli funksiyalarni o‘chirib qo‘yish yoki maxfiylik sozlamalarini o‘rnatish orqali amalga oshirilishi mumkin. Huawei maxfiylik bayonnomasida yoki mahsulot va xizmatlarning qo‘shimcha bildirishnomasida yoki yuqoridagi A qismiga binoan talab bo‘yicha maxsus mahsulot va xizmatlar bo‘yicha rozilikni bekor qilish usullarini e’lon qiladi.

C. Huawei ID hisobini ro‘yxatdan o‘chirish

Hisobingizni Huawei ID bilan bog‘liq mahsulotlar ro‘yxatidan o‘chirib tashlashingiz mumkin. Hisobingizni o‘chirganingizdan so‘ng, biz mahsulot va xizmatlarni taqdim etishni to‘xtatamiz va qonun hujjatlarida boshqacha tartib nazarda tutilmagan bo‘lsa, shaxsiy ma’lumotlaringizni o‘chirib tashlaymiz. Hisobingiz ro‘yxatdan o‘chirilganingizdan so‘ng uni qayta tiklab bo‘lmaydi. Huawei bilan bog‘liq mahsulot yoki xizmatlardan yana foydalanadigan bo‘lsangiz, yangi Huawei ID bilan ro‘yxatdan o‘tishingiz zarur. Tegishli qurilmalar, ilovalar yoki rasmiy veb-saytga Huawei ID orqali kirganingizdan so‘ng, ro‘yxatdan chiqish to‘g‘risidagi arizani topshirishingiz va sozlama menyusida ushbu jarayonni yakunlashingiz mumkin.

VI. Huawei bolalarning shaxsiy maʼlumotlarini qanday himoya qiladi

Huawei kompaniyasining shaxsiy va maishiy mahsulotlari kattalar uchun moʻljallangan. Biroq bolalar Huawei mahsulot va xizmatlaridan foydalanishi uchun biz maxfiylik va xavfsizlikni himoya qilish bo‘yicha qo‘shimcha profilaktika choralarini ko‘rish muhimligidan to‘liq xabardormiz. Huawei ma’lumotlar mavzulari mahalliy davlatlar va hududlar qonunlariga binoan koʻpchilik yoshiga muvofiqligi asosida bolalarga mos kelish yoki kelmasligini aniqlaydi.

Ota-onalik javobgarligiga ega shaxslarning roziligi asosida bolalarning shaxsiy maʼlumotlari olinganida, biz faqat qonun doirasida, ota-onalik javobgarligiga ega shaxslar tomonidan rozilik berilgan yoki bolalarni himoya qilish uchun talab qilinadigan ma’lumotlardan foydalanamiz yoki ularni oshkor qilamiz. Ota-onalik javobgarligiga ega shaxslar, agar ular o‘z farzandlari va vasiyligida boʻlganlarning shaxsiy maʼlumotlariga kirish, ularni o‘zgartirish yoki oʻchirishi kerak bo‘lsa, “IV. Huawei shaxsiy maʼlumotlaringizni qanday himoya qiladi” boʻlimida keltirilgan usullar orqali bizga murojaat qilishlari mumkin.

Agar Huawei tasodifan ota-onalik javobgarligiga ega shaxslarning roziligisiz bolalarning shaxsiy maʼlumotlarini olsa, Huawei bundan xabar topgani zahoti unday maʼlumotlarni oʻchirib tashlaydi.

VII. Tashqi veb-sayt, mahsulot va xizmatlarga havolalar

Huawei veb-saytlari, ilova dasturlari, mahsulot va xizmatlarida uchinchi tomon veb-saytlari, mahsulot va xizmatlariga havola o‘rin olgan bo‘lishi mumkin. Huawei mahsulot va xizmatlari uchinchi tomon mahsulot yoki xizmatlaridan foydalanishi yoki ularni taqdim etishi ham mumkin. Masalan, AppGallery Huawei ilovalar doʻkonida chiqarilgan tashqi ilovalar.

Tashqi veb-sayt, mahsulot va xizmatlarga qilingan barcha havolalar faqat foydalanuvchilar qulayligi uchun taqdim etiladi. Bunday havolalardan foydalanishga oʻzingiz qaror qilishingiz zarur. Shaxsiy maʼlumotingizni uchinchi tomonlarga yuborishdan oldin ushbu uchinchi tomonlarning maxfiylik siyosati bilan tanishing.

VIII. Shaxsiy maʼlumotlaringizni xalqaro uzatish

Bizning mahsulot va xizmatlar turli hududlarda joylashgan manba va serverlar orqali taqdim etiladi. Mahsulot va xizmatlarimizni yetkazib berishda biz shaxsiy maʼlumotlaringizni bir nechta davlatlar orqali yuborishimiz mumkin. Huawei vakolatli xodimlari hamda bizning nomimizdan ish yurituvchi uchinchi tomonlar shaxsiy maʼlumotlaringizga siz ularni taqdim qilgan mamlakat/hududdan boshqa bir mamlakat/hududda kirishi, ulardan foydalanishi va qayta ishlashi mumkin, shuningdek, oʻsha mamlakat/mintaqadagi axborot himoyasi qonunlari siz ushbu maʼlumotlarni taqdim qilgan mamlakat/mintaqadagiga nisbatan kuchsizroq boʻlishi mumkin. Shaxsiy maʼlumotlaringizni boshqa mamlakat/mintaqalarga yuborganimizda, ularni ushbu Bayonnomada keltirilganidek yoki maʼlumotlar olingan paytda sizga aytilganidek himoya qilamiz (masalan, maxfiylik eslatmasi yoki muayyan mahsulot yoki xizmatning qoʻshimcha bayonnomasi orqali).

Huawei kompaniyasi shaxsiy maʼlumotlarni qayta ishlash borasida turli axborot muhofazasi qonunlari bilan himoyalangan global maxfiylik tajribasini amaliyotga tatbiq qildi. Huawei biz faoliyat yuritayotgan davlatlar o‘rtasida shaxsiy ma’lumotni amaldagi axborot muhofazasi qonunlari, jumladan, xavfsizlik va maʼlumotlarni qayta ishlash standart va shartlariga muvofiq amalga oshiradi.

Yevropa Ittifoqi yoki Shveytsariya hududidan shaxsiy maʼlumotlarni olishda biz Yevropa iqtisodiy hududi (“YIH”) yoki Shveytsariyadan tashqaridagi mamlakatlarga shaxsiy maʼlumotlarni uzatish yuzasidan maqsadga muvofiq himoya choralarini taqdim etadigan amaldagi qonun talablariga rioya qilamiz. Shaxsiy maʼlumotlarni xorijga uzatish uchun biz standart shartnoma shartlari kabi turli huquqiy mexanizmlardan foydalanamiz; yoki maʼlumotlarni xorijga uzatishdan oldin ularni anonimlashtirish kabi xavfsizlik choralarini qoʻllaymiz.

IX. Xalqaro foydalanuvchilar / Gonkong, Makao va Tayvan, Xitoy foydalanuvchilari

Agar Huawei Mobile services xizmatlaridan A ilovaning 2-qismida keltirilgan mamlakat yoki mintaqada foydalansangiz, Irlandiyada tashkil qilingan Aspiegel Limited axborot nazoratchisi hisoblanadi. Agar Huawei Mobile services xizmatlaridan A ilovaning 3-qismida keltirilgan mamlakatda yoki mintaqada foydalansangiz, Huawei Service (Hong Kong) Co., Limited axborot nazoratchisi hisoblanadi. Tafsilotlar uchun mahalliy Mijoz bulut xizmatining maxfiylik bayonnomasiga qarang.

Xitoydan tashqaridagi har bir yurisdiksiyadagi Huawei onlayn doʻkonlari oʻz yurisdiksiyasi doirasida olingan shaxsiy maʼlumotlar uchun javobgar boʻlgan oʻz yuridik shaxsiga ega. Axborot nazoratchisi tafsilotlarini bilish uchun, mahalliy onlayn doʻkon maxfiylik bayonnomasiga murojaat qiling.

X. Mazkur Bayonnomaga kiritiladigan yangilanishlar

Huawei ushbu Bayonnomani istalgan vaqtda yangilash huquqini oʻzida saqlab qoladi.

Mazkur Bayonnoma vaqti-vaqti bilan qayta koʻrib chiqiladi. Bunday hollarda Huawei turli kanallar orqali oʻzgarishlar haqida xabar beradi. Masalan, eng yangi versiya quyidagi mijozlar rasmiy veb-saytimizga joylashtiriladi: http://consumer.huawei.com.

Mazkur Bayonnomadagi “asosiy o‘zgarishlar” quyidagilarni oʻz ichiga oladi, lekin bular bilan cheklanmaydi:

(1) Xizmat koʻrsatish jarayonidagi asosiy oʻzgarishlar, masalan, shaxsiy maʼlumotlarni qayta ishlashdan maqsad, qayta ishlangan shaxsiy maʼlumotlar turlari hamda shaxsiy maʼlumotlardan foydalanish usullari

(2) Mulkchilik shakli, tashkiliy tuzilmamizdagi asosiy oʻzgarishlar, masalan, biznesni tartibga solish, bankrotlik yoki sotib olish sababli egalik huquqining oʻzgarishi

(3) Shaxsiy maʼlumotlarni ulashish, uzatish yoki oshkor qilishda asosiy obyektlardagi oʻzgarishlar

(4) Shaxsiy maʼlumotlarni qayta ishlashga oid huquqlaringiz hamda ushbu huquqlardan foydalanishingiz borasidagi asosiy oʻzgarishlar

(5) Huawei boʻlinmalari, aloqa maʼlumotlari va shaxsiy maʼlumotlarni qayta ishlash xavfsizligiga masʼul murojaat kanallaridagi oʻzgarishlar

(6) Shaxsiy maʼlumotlar xavfsizligiga taʼsirni baholash hisobotlarida belgilangan jiddiy xavf-xatarlar

XI. Biz bilan aloqa

Agar biror savol, fikr-mulohaza yoki takliflaringiz boʻlsa, biz bilan aloqa sahifasi yoki ularni global ofislarimizdan biriga yuborish orqali bizga murojaat qiling. Huawei ofislarining toʻliq roʻyxatini olish uchun global ofislar sahifasiga kiring.

Bizda shaxsiy ma’lumotlarni himoya qilish bo‘yicha alohida boʻlim (yoki axborot muhofazasi boʻyicha xodim) mavjud. Siz dpo@huawei.com manzili orqali ularga murojaat qilishingiz mumkin.

Maʼlumot subyektining soʻrovlari Huawei kompaniyasining rasmiy mijozlar veb-sayti yoki Huawei Mobile Service ilovalarining istalgan biri, jumladan, lekin bu bilan cheklanmagan holda, Huawei ID, AppGallery va HiCare orqali yuborilishi mumkin.

Eslatma: Mahalliy qonunlar va tillardagi farqlar tufayli, Huawei Consumer Business maxfiylik bayonnomasining mahalliy versiyalari ushbu versiyadan farq qilishi mumkin. Mazkur masalada nizoli vaziyatlar yuzaga kelsa, mahalliy versiyalar ustunlikka ega boʻladi.

©2020 Huawei Device Co., Ltd. Barcha huquqlar himoyalangan.

A ilovasi – Mamlakatlar/mintaqalar roʻyxati

Huawei ushbu roʻyxatni yangilab borish huquqini o‘zida saqlab qoladi.

Mamlakatlar/mintaqalar
1-qism Kontinental Xitoy
2-qism Avstriya, Belgiya, Bolgariya, Xorvatiya, Kipr, Chexiya Respublikasi, Daniya, Estoniya, Finlandiya, Fransiya, Germaniya, Gretsiya, Vengriya, Irlandiya Respublikasi, Italiya, Latviya, Litva, Lyuksemburg, Shimoliy Makedoniya Respublikasi, Polsha, Portugaliya, Ruminiya, Slovakiya, Sloveniya, Ispaniya, Shvetsiya, Niderlandiya, Islandiya, Lixtenshteyn, Norvegiya, Birlashgan Qirollik, Shveytsariya, Chernogoriya, Albaniya, Serbiya, Bosniya va Gertsegovina, Vatikan, Malta, Moldova, Isroil, Niderlandiya Antill orollari, Andorra, Monako, San-Marino, Farer orollari, Gibraltar, Grenlandiya, Gernsi, Men oroli, Jersi, Sint-Marten, Sen-Marten, Sen-Pyer va Mikelon (Fransiya), Boneyr, Sint-Estatius va Saba, Aland orollari, Yaponiya, Janubiy Koreya, Turkiya, Avstraliya, Yangi Zelandiya, Kanada, Sent-Vinsent va Grenadina, Ukraina
3-qism Gonkong (Xitoy), Makao (Xitoy), Malayziya; Vyetnam, Hindiston, Bangladesh, Kambodja, Laos, Myanma, Nepal, Papua – Yangi Gvineya, Filippin, Singapur, Shri-Lanka, Tayvan (Xitoy), Tailand, Fiji, Samoa, Tonga, Vanuatu, Indoneziya, Solomon orollari, Bruney, Maldiv orollari, Butan, Kiritimati, Kokos (Kiling) orollari, Kuk orollari, Fransuz Polineziyasi, Guam, Sharqiy Timor, Kiribati, Marshall orollari, Mikroneziya, Nauru, Yangi Kaledoniya, Niue, Norfolk oroli, Shimoliy Mariana orollari, Palau, Pitkern orollari, Tokelau, Tuvalu, Uollis va Futuna, Amerika Samoasi, Boliviya, Kolumbiya, Kosta-Rika, Dominikan Respublikasi, Ekvador, Salvador, Gvatemala, Gonduras, Yamayka, Meksika, Nikaragua, Panama, Paragvay, Peru, Urugvay, Venesuela, Chili, Puerto-Riko, Aruba, Bagam orollari, Barbados, Virginiya orollari, Fransuz Gvianasi, Grenada, Gaiti, Sent-Lusiya, Surinam, Trinidad va Tobago, Beliz, Antigua va Barbuda, Bermuda, Angilya, Gayana, Martinika, Sen-Kitts va Nevis, Terks va Kaykos orollari, Kayman orollari, Dominika, Gvadelupa, Montserrat, Sen-Bartelemi, Malvin orollari (Folklend), AQSH Virgin orollari, Jazoir, Bahrayn, Kamerun, Chad, Kot-d'Ivuar, Misr, Iroq, Iordaniya, Quvayt, Mali, Ummon, Pokiston, Qatar, Saudiya Arabistoni, Senegal, Birlashgan Arab Amirliklari (BAA), Yaman, Kongo Respublikasi (Kongo), Benin, Burkina-Faso, Ekvator Gvineyasi, Efiopiya, Gabon, Livan, Liviya, Mavritaniya, Marokash, Janubiy Sudan, Togo, Afgʻoniston, Markaziy Afrika Respublikasi, Kabo-Verde, Kongo Demokratik Respublikasi (KDR), Jibuti, Eritreya, Gambiya, Gvineya-Bisau, Niger, Gvineya, Falastin, Sen-Yelena, Seuta va Melilya, Kanar orollari, Angola, Botsvana, Komor, Gana, Keniya, Liberiya, Lesoto, Mayotte, Madagaskar, Malavi, Mavrikiy, Mozambik, Nigeriya, Namibiya, Reyunion oroli, Syerra-Leone, Somali, Svazilend, San-Tome va Prinsipi, Seyshel orollari, Janubiy Afrika, Tanzaniya, Uganda, Zambiya, Zimbabve, Burundi, Ruanda, Belarus, Gruziya, Armaniston, Ozarbayjon, Moʻgʻuliston, Qozogʻiston, Turkmaniston, Oʻzbekiston, Qirgʻiziston, Tojikiston, Rossiya, Braziliya, Argentina