ကျွန်ုပ်၏ဖုန်းက Wi-Fi ကွန်ရက်နှင့်ချိတ်ဆက်ထားချိန်တွင် မိုဘိုင်း ဒေတာများကို သုံးစွဲနေဆဲဖြစ်ပါသည်။

သင်၏ဖုန်းသည် Wi-Fi ကွန်ရက် နှေးနေလျှင် မိုဘိုင်း ဒေတာသို့ ပြောင်းလဲသွားစေရန်Wi-Fi+ကို ဖွင့်ထားခြင်း ဖြစ်နိုင်သည်။

Wi-Fi+ ကို ဖွင့်ထားလျှင် သင်၏ဖုန်းသည် Wi-Fi နှင့် မိုဘိုင်ကွန်ရက် နှစ်ခုလုံးနှင့် တစ်ပြိုင်တည်း ချိတ်ဆက်မည်ဖြစ်ပြီး ပို၍တည်ငြိမ်မှုရှိသော တစ်ခုသို့ ပြောင်းသွားပါမည်။ Wi-Fi ကွန်ရက် ပြတ်တောင်းပြတ်တောင်းဖြစ်နေကြောင်းကို သင့်ဖုန်းက ရှာဖွေတွေ့ရှိလျှင် မိုဘိုင်းကွန်ရက်သို့ ပြောင်းသွားမည်ဖြစ်သောကြောင့် Wi-Fi ကွန်ရက်နှင့် ချိတ်ဆက်ထားသည့်တိုင် သင်၏ဖုန်းက မိုဘိုင်း ဒေတာကို ဆက်လက်သုံးစွဲနေပါမည်။

Wi-Fi+ ကို ပိတ်ရန် ချိန်ညှိမှုများသို့ သွားပါ၊ Wi-Fi+ ကို ရှာဖွေပြီး ဝင်ရောက် သုံးစွဲကာ ၎င်းကို ပိတ်လိုက်ပါ။

Wi-Fi နှင့် ချိတ်ဆက်ထားသည့်တိုင် မိုဘိုင်း ဒေတာ သုံးစွဲစေရန် အချို့သော ပြင်ပအဖွဲ့အစည်း အက်ပ်များကို ဖန်တီးထုတ်လုပ်ထားသည်။

Online Banking အက်ပ်များကဲ့သို့သော ပြင်ပအဖွဲ့အစည်း အက်ပ်အချို့အနေဖြင့် ၎င်းတို့ကို Wi-Fi ကွန်ရက်နှင့် ချိတ်ဆက်ထားသည့်တိုင် မိုဘိုင်း ဒေတာကို သုံးစွဲနေနိုင်သေးသည်။ ဤပြဿနာသည် Android ဖုန်းအားလုံးတွင် ဖြစ်ပွားခြင်းဖြစ်ပြီး သင်၏ဖုန်းတွင် ဆက်တင်များပြောင်းလဲခြင်းဖြင့် ဖြေရှင်း၍မရနိုင်ပါ။

ယင်းကဲ့သို့ အက်ပ်များသည် မိုဘိုင်း ဒေတာ များစွာကို သုံးစွဲလေ့မရှိပါ။ သင်၏ဖုန်းသည် Wi-Fi ကွန်ရက်နှင့် ချိတ်ဆက်ထားလျှင် အောက်ပါတို့ကို ဆောင်ရွက်ပြီး မိုဘိုင်း ဒေတာ ကို ပိတ်နိုင်သည်- ရှော့(တ်)ကတ်များ မီနျူးကို ပြသရန် ထိပ်ဆုံးရှိ အခြေအနေပြဘားမှ အောက်သို့ ပွတ်ဆွဲပြီး မိုဘိုင်း ဒေတာ ကို ပိတ်ပါ။

(EMUI 10.0/Magic UI 3.0 သို့မဟုတ် နောက်ထွက်ဗားရှင်းဖြင့် အလုပ်လုပ်နေသော) သင်၏ဖုန်းတွင် ကွန်ရက် မြန်နှုန်းမြှင့်တင်မှုကို ဖွင့်ထားပါသည်။