အသံ ဆက်တင်များကို ချိန်ညှိခြင်း

အသံအတိုးအကျယ်ကို ချိန်ညှိရန် အသံအတိုးအကျယ် ခလုတ်ကို နှိပ်ခြင်း

အသံအတိုးအကျယ်ကို ချိန်ညှိရန် အသံချဲ့ သို့မဟုတ် အသံတိုးခလုတ်ကို နှိပ်ပါ။

သင့်စက် အသံမြည်လာသောအခါ အသံပိတ်ရန် ပါဝါခလုတ်ကို နှိပ်ခြင်း

အဝင်ခေါ်ဆိုမှု သို့မဟုတ် နှိုးစက်အတွက် သင့်စက် အသံမြည်လာသောအခါ ၎င်းကို အသံပိတ်ရန် ပါဝါခလုတ်ကို နှိပ်နိုင်ပါသည်။

ဖုန်းမြည်သံကို အသံပိတ်ရန် လှန်ခြင်း သို့မဟုတ် အသံလျှော့ချရန်အတွက် မြှောက်ခြင်း

အဝင်ခေါ်ဆိုမှုတစ်ခုကို လက်ခံရရှိသောအခါ ၎င်းကို အသံပိတ်ရန်အတွက် သင့်စက်ကို လှန်ပါ၊ သို့မဟုတ် ဖုန်းမြည်သံကို လျှော့ချရန်အတွက် စက်ကို မြှောက်ပါ။

ဆက်တင် > အထောက်အကူပြု လုပ်ဆောင်ချက်များ > ရှော့(တ်)ကတ်များနှင့် ဟန်ပန်များ > မြည်သံ ပိတ်ရန်/အသံပမာဏ လျှော့ချရန် သို့ သွားပါ၊ ထို့နောက် ဖုန်းမြည်သံ ပိတ်ရန် ဖုန်းကို တစ်ဖက်သို့ လှန်လိုက်ပါ နှင့် ဖုန်းမြည်သံကို လျှော့ရန် ဖုန်းကို ကောက်ကိုင်လိုက်ပါ ကို ဖွင့်ပါ။

ပုံသေ အသံအတိုးအကျယ်ကို သတ်မှတ်ခြင်း

ဆက်တင် > အသံနှင့် တုန်ခါမှု သို့ သွားပြီးနောက် အောက်ပါ အိုင်တမ်များအတွက် အသံအတိုးအကျယ်ကို သတ်မှတ်နိုင်ပါသည် -

• မီဒီယာ (ဗီဒီယို၊ ဂိမ်းများ၊ ဂီတနှင့် အခြားအရာ)

• ဖုန်းမြည်သံများ

• နှိုးစက်များ

• ခေါ်ဆိုမှုများ

အသံမြည်ခြင်း၊ တုန်ခါခြင်း သို့မဟုတ် အသံပိတ် စနစ်အကြား ပြောင်းရန် ရှော့(တ်)ကတ်တစ်ခု အသုံးပြုခြင်း

1. အသိပေးချက် မျက်နှာပြင်ကို ဖွင့်ရန် အခြေအနေပြဘားမှ အောက်သို့ ပွတ်ဆွဲပြီးနောက် ရှော့(တ်)ကတ်အားလုံးကို ပြသရန် ၎င်းပေါ်တွင် အောက်သို့ ထပ်မံ ပွတ်ဆွဲပါ။

2. စနစ်အမျိုးမျိုးကြားတွင် ကူးပြောင်းရန် အသံ၊ အသံတိတ် သို့မဟုတ် တုန်ခါမှု အိုင်ကွန်ကို နှိပ်ပါ။