သုံးစွဲသူများကို စီစဉ်သတ်မှတ်ခြင်း

သုံးစွဲသူ သို့မဟုတ် ဧည့်သည် အကောင့်တစ်ခု ထည့်သွင်းခြင်း

1. ဆက်တင် > သုံးစွဲသူများ နှင့် အကောင့်များ > သုံးစွဲသူများ ကို သွားပါ၊ သုံးစွဲသူ ပေါင်းထည့်ရန် သို့မဟုတ် ဧည့်သုံးစွဲသူ ပေါင်းထည့်ရန် ကို နှိပ်ပါ၊ ထို့နောက် အကောင့်တစ်ခု ထည့်သွင်းရန် မျက်နှာပြင်ပေါ်ရှိ လမ်းညွှန်များကို လိုက်နာပါ။

2. သုံးစွဲသူ သို့မဟုတ် ဧည့်သည်အကောင့်သို့ ကူးပြောင်းရန် ပြောင်းလဲခလုတ် ကို နှိပ်ပါ။ အချက်ပြသည့်အတိုင်း အကောင့်သစ်အတွက် ဆက်တင်ကို စီစဉ်သတ်မှတ်ပါ။

3. အက်ပ်များကို လိုအပ်သလို ထည့်သွင်းပါ။ အကယ်၍ အက်ပ်တစ်ခု၏ ပိုသစ်သော ဗားရှင်းကို အခြားသုံးစွဲသူက ထည့်သွင်းထားပါက ထိုအက်ပ် ထည့်သွင်းမှု အောင်မြင်မည် မဟုတ်ပါ။

သုံးစွဲသူ သုံးဦးနှင့် ဧည့်သည်အကောင့်တစ်ခုကို အများဆုံး ထည့်သွင်းနိုင်ပါသည်။

ဖုန်းဆက်ရန်နှင့် မက်ဆေ့ချ်များပို့ရန်အတွက် သုံးစွဲသူ သို့မဟုတ် ဧည့်သည်အကောင့်တစ်ခုအား ခွင့်ပြုပေးခြင်း

သုံးစွဲသူ သို့မဟုတ် ဧည့်သည်အကောင့်တစ်ခုက ဖုန်းဆက်ခွင့်၊ SMS မက်ဆေ့ချ်များ ပို့ခွင့်နှင့် အခြားအရာများကို လုပ်ဆောင်ခွင့် ရှိမရှိအား သင် သတ်မှတ်နိုင်ပါသည်။

• သင့်စက်ကို စီမံအုပ်ချုပ်သူအဖြစ် ဝင်ရောက် သုံးစွဲပြီးပါက ဆက်တင် > သုံးစွဲသူများ နှင့် အကောင့်များ > သုံးစွဲသူများ သို့ သွားပါ။

• သက်ဆိုင်ရာ အကောင့်ကို နှိပ်ပြီး သင် ပေးအပ်လိုသော ခွင့်ပြုချက်များကို ရွေးချယ်ပါ။

စီမံအုပ်ချုပ်သူ၊ သုံးစွဲသူနှင့် ဧည့်သည်အကြား ကူးပြောင်းခြင်း

အောက်ပါ နည်းလမ်းတစ်ခုခုကို သုံးစွဲခြင်းဖြင့် မတူညီသော အကောင့်တစ်ခုသို့ ကူးပြောင်းနိုင်သည်-

• အသိပေးချက် မျက်နှာပြင်ကို ဖွင့်ရန် အခြေအနေပြဘားမှ အောက်သို့ ပွတ်ဆွဲပါ၊ ကို နှိပ်ပါ၊ ထို့နောက် သင် ကူးပြောင်းလိုသော အကောင့်၏ ပရိုဖိုင်းပုံကို နှိပ်ပါ။

• ဆက်တင် > သုံးစွဲသူများ နှင့် အကောင့်များ > သုံးစွဲသူများ သို့ သွားပါ၊ သင် ကူးပြောင်းလိုသော အကောင့်၏ အမည်ကို နှိပ်ပါ။

သုံးစွဲသူ သို့မဟုတ် ဧည့်သည် အကောင့်တစ်ခုကို ဖျက်ခြင်း

သုံးစွဲသူ သို့မဟုတ် ဧည့်သည် အကောင့်တစ်ခုကို ဖျက်ပါက ၎င်းနှင့် သက်ဆိုင်သော ဒေတာအားလုံး ပျက်သွားပါမည်။ သတိထားပြီး လုပ်ဆောင်ပါ။

သင့်စက်ကို စီမံအုပ်ချုပ်သူအဖြစ် ဝင်ရောက်သုံးစွဲပြီးပါက သုံးစွဲသူ သို့မဟုတ် ဧည့်သည် အကောင့်တစ်ခုကို ဖျက်ရန် အောက်ပါ နည်းလမ်းများအနက်မှ တစ်ခုကို သုံးပါ-

• ဆက်တင် > သုံးစွဲသူများ နှင့် အကောင့်များ > သုံးစွဲသူများ သို့ သွားပါ၊ သင် ဖျက်လိုသော အကောင့်၏ အမည်ကို နှိပ်ပါ၊ ထို့နောက် ၎င်းကို ဖျက်ရန် မျက်နှာပြင်ပေါ်ရှိ လမ်းညွှန်များကို လိုက်နာပါ။

• အသိပေးချက် မျက်နှာပြင်ကို ဖွင့်ရန် အခြေအနေပြဘားမှ အောက်သို့ ပွတ်ဆွဲပါ၊ > နောက်ထပ် ဆက်တင်များ ကို နှိပ်ပါ၊ သင် ဖျက်လိုသော အကောင့်၏ အမည်ကို နှိပ်ပါ၊ ထို့နောက် ၎င်းကို ဖျက်ရန် မျက်နှာပြင်ပေါ်ရှိ လမ်းညွှန်များကို လိုက်နာပါ။