အရေးပေါ် SOS နှင့် ဖုန်းခေါ်ဆိုမှုများ

အရေးပေါ် SOS ကို အသုံးပြုခြင်း

အရေးပေါ်အခြေအနေ ကြုံလာရလျှင် သင်၏ အရေးပေါ်အဆက်အသွယ်များထံသို့ SOS မက်ဆေ့ချ်ကို အလျင်အမြန်နှင့် လျှို့ဝှက်စွာ ပို့နိုင်ပါသည်။

1. GPS ကို ဖွင့်ပြီး အရေးပေါ် SOS လုပ်ဆောင်ချက်ကို သင့်တည်နေရာအား ဝင်ရောက် သုံးစွဲခွင့်ပေးပါ။

2. ဆက်တင် > လုံခြုံရေး > အရေးပေါ် SOS သို့ သွားပါ၊ SOS မက်ဆေ့ခ်ျကိုလည်း ပေးပို့ရန် ကို ဖွင့်ပြီး သင်၏ အရေးပေါ်အဆက်အသွယ်များကို သတ်မှတ်ပါ။

အရေးပေါ် SOS လုပ်ဆောင်ချက်ကို ဖွင့်လိုက်သည်နှင့် အရေးပေါ်အခြေအနေ ကြုံလာရသည့်အခါ ပါဝါခလုတ်ကို ငါးကြိမ်ဆက်တိုက် အမြန်နှိပ်လိုက်လျှင် သင့်စက်သည် သင့်လက်ရှိတည်နေရာနှင့်အတူ မက်ဆေ့ချ်တစ်ခုကို သင့်အရေးပေါ်အဆက်အသွယ်များထံသို့ အလိုအလျောက် ပို့ပေးပါမည်။

မက်ဆေ့ချ် ပေးပို့ပြီးသည်နှင့် သင့်စက်သည် အရေးပေါ် ဝန်ဆောင်မှု သို့မဟုတ် သင်၏ အရေးပေါ် အဆက်အသွယ်များထဲမှ တစ်ယောက်ကို အမြန်ခေါ်ဆိုနိုင်စေမည့် အရေးပေါ် ခေါ်ဆိုမှု မျက်နှာပြင်ကို ပြသပေးပါမည်။

အရေးပေါ် ခေါ်ဆိုမှုများ ပြုလုပ်ခြင်း

အရေးပေါ် အခြေအနေတစ်ခုတွင် ဖုန်းလိုင်းမမိသည့်တိုင် သင်သည် သင့်စက်၏ လော့ခ်မျက်နှာပြင်မှနေ၍ အရေးပေါ် ခေါ်ဆိုမှုများကို တိုက်ရိုက်လုပ်ဆောင်နိုင်ပါသည်။

အရေးပေါ်ခေါ်ဆိုမှု လုပ်ဆောင်ချက်သည် ဒေသဆိုင်ရာ စည်းမျဉ်းစည်းကမ်းများနှင့် မိုဘိုင်းဆက်သွယ်ရေး ကယ်ရီယာ တစ်ဦးချင်းအပေါ်တွင် မူတည်ပါသည်။ ကွန်ရက် ပြဿနာများ သို့မဟုတ် အခြား ကြားဖြတ်နှောင့်ယှက်မှု အမျိုးအစားများကြောင့် အရေးပေါ် ခေါ်ဆိုမှုများ အလုပ်မလုပ်ခြင်း ဖြစ်နိုင်ပါသည်။

1. လော့ခ်မျက်နှာပြင်မှတစ်ဆင့် သင့်စကားဝှက်ကို ထည့်ရန် မျက်နှာပြင်ကို ဝင်ရောက် သုံးစွဲကာ အရေးပေါ် ခေါ်ဆိုမှု ကို နှိပ်ပါ။ သင်သည် ဖုန်းလိုင်း ကောင်းစွာမိသည့် နေရာတွင် ရှိနေပြီး သင့်စက်တွင် အင်တာနက်လိုင်း ရှိနေပါက ၎င်းက သင့်တည်နေရာကို အလိုအလျောက် ရယူပြီး မျက်နှာပြင်ပေါ်တွင် ပြသပါမည်။

2. သင်၏ ဒေသတွင်း အရေးပေါ်နံပါတ်ကို ရိုက်ထည့်ပြီး ကို နှိပ်ကာ နံပါတ်ကို ခေါ်ဆိုပါ။ အခြားနည်းမှာ အရေးပေါ် အချက်အလက် ကို နှိပ်ပြီး ဖုန်းခေါ်ရန် အရေးပေါ် အဆက်အသွယ်တစ်ခုကို ရွေးချယ်ပါ။