စကားဝှက်ကို အော်တိုဖြည့်ပေးရန် Password Vault ကို အသုံးပြုခြင်း

Password Vault ဖြင့် ပိုမိုမြန်ဆန်စွာ ဝင်ရောက်ခြင်း

1. အက်ပ်တစ်ခုထဲသို့ ပထမဆုံးအကြိမ် ဝင်ရောက်သည့်အခါ စကားဝှက်ကို သိမ်းရန် သင့်စက်က သင့်ကို အလိုအလျောက် တုံ့ပြန်ညွှန်ကြားပါမည်။ တုံ့ပြန်ညွှန်ကြားသောအခါ သိမ်းမည် ကို နှိပ်ပါ။

   မည်သည့်အခါမှ မသိမ်းပါ ကို မတော်တဆ နှိပ်မိပါက ဆက်တင် > လုံခြုံရေး > Password Vault > အော်တိုဖြည့် ဆက်တင်များကို စီမံခန့်ခွဲရန် သို့ သွားပြီး ဤအက်ပ်ဘေးရှိ ဖွင့်/ပိတ် ခလုတ်ကို ဖွင့်ခြင်းဖြင့် ဤအက်ပ်အတွက် အော်တိုဖြည့် လုပ်ဆောင်ချက်ကို ဖွင့်နိုင်ဆဲဖြစ်ပါသည်။ ဖွင့်/ပိတ် ခလုတ်ကို ပိတ်ထားသောအခါ အော်တိုဖြည့် လုပ်ဆောင်ချက်ကို ပိတ်လိုက်ပါမည်။

2. သင် အက်ပ်မှ ထွက်လိုက်ပါက နောက်တစ်ကြိမ် ဝင်ရောက်ချိန်တွင် လော့ခ်မျက်နှာပြင် စကားဝှက်၊ လက်ဗွေရာ သို့မဟုတ် မျက်နှာ ID ကိုသုံးပြီး သင် မည်သူမည်ဝါ ဖြစ်သည်ကို စစ်ဆေးအတည်ပြုပြီးသည်နှင့် သုံးစွဲသူအမည်နှင့် စကားဝှက်ကို သင့်စက်က အော်တိုဖြည့်ပေးပါမည်။

   

   စက်အားလုံးတွင် လက်ဗွေရာ လုပ်ဆောင်ချက်များကို အသုံးမပြုနိုင်ပါ။

သင်သည် Huawei စက်အသစ်သို့ ပြောင်းသည့်အခါ Password Vault ထဲရှိ ဒေတာကို သင့်စက်အသစ်ထဲသို့ လွှဲပြောင်းရန် Tablet Clone ကို အသုံးပြုနိုင်ပါသည်။

သိမ်းထားသည့် သုံးစွဲသူ အမည်များနှင့် စကားဝှက်များကို ကြည့်ခြင်း သို့မဟုတ် ဖျက်ခြင်း

Password Vault ထဲတွင် သိမ်းထားသည့် သုံးစွဲသူအမည်များနှင့် စကားဝှက်များကို အချိန်မရွေး ကြည့်နိုင် သို့မဟုတ် ဖျက်ပစ်နိုင်ပါသည်။

သိမ်းထားသည့် သုံးစွဲသူအမည်များနှင့် စကားဝှက်များကို ကြည့်ရန် သို့မဟုတ် ဖျက်ပစ်ရန် ဆက်တင် > လုံခြုံရေး > Password Vault > အကောင့်များ သို့ သွားပါ။

Password Vault ကို ပိတ်ခြင်း

Password Vault ကို ပုံသေ ဖွင့်ထားပေးပြီး လိုအပ်ပါက ပိတ်နိုင်ပါသည်။

ဆက်တင် > လုံခြုံရေး > Password Vault သို့ သွားပြီး သုံးစွဲသူ အမည်များနှင့် စကားဝှက်များကို သိမ်းပြီး အော်တိုဖြည့်ရန် ကို ပိတ်ပါ။