ကျွန်ုပ်၏ HUAWEI ဖုန်း/တက်ဘလက်ကို ပြန်လည်စတင်ပြီးနောက် သို့မဟုတ် မျက်နှာပြင်ကို လော့ခ်ချပြီးနောက် "သုံးစွဲသူဒေတာကို လော့ခ်ချထားသည်။" ဟူသော မက်ဆေ့ခ်ျကို ပြသပြီး မြည်သံထွက်နေခြင်း

ပြဿနာ-

စက်ကို ပြန်လည်စတင်ပြီးနောက် သို့မဟုတ် မျက်နှာပြင်ကို လော့ခ်ချပြီးနောက် "သုံးစွဲသူဒေတာကို လော့ခ်ချထားသည်။ ပြန်လည်စတင်ပြီးနောက် စကားဝှက် လိုအပ်သည်" ဟူသော မက်ဆေ့ခ်ျကို ပြသပြီး အသိပေးသံ မြည်သည်။ သို့ရာတွင် စက်ကို လော့ခ်ဖြေပြီးနောက် မည်သည့် မက်ဆေ့ခ်ျကိုမျှ မပြသပါ။ အောက်တွင်ပြထားသည့်အတိုင်း-

အကြောင်းရင်း-

1. အကောင်းဆုံးလုံခြုံရေးအတွက် စနစ်သိုလှောင်မှုကို ပုံသေအားဖြင့် ကုဒ်ပြောင်းဝှက်ထားသည်။ စက်ကို ပြန်လည်စတင်ပြီးနောက် ၎င်းကို လော့ခ်မဖြေမီ စက်တွင်း သိုလှောင်မှုကို ဆက်လက်ကုဒ်ပြောင်းဝှက်ထားမည်ဖြစ်ကာ စက်ကို လော့ခ်ဖြေမပြီးမချင်း လုပ်ဆောင်ချက်အချို့ကို ဆက်ပိတ်ထားမည်။
2. သင်က PrivateSpace ကို ဖွင့်ထားပြီး ၎င်းကို ဝင်ရောက်သုံးစွဲရန်အတွက် လက်ဗွေရာတစ်ခုကို ချိတ်ဆက်ထားသည့်အပြင် သင့်စက်ကို ပါဝါဖွင့်ပြီးချိန်ကတည်းက PrivateSpace ကို PIN ဖြင့် ဝင်ရောက် သုံးစွဲခြင်း မရှိပါက မျက်နှာပြင်ကို လော့ခ်ချထားချိန် PrivateSpace ကို လက်ဗွေဖြင့် ဝင်ရောက်သုံးစွဲသည့်အခါ အထက်ပါမက်ဆေ့ခ်ျကို ပြသပါမည်။

ဖြေရှင်းနည်း-

ဤမက်ဆေ့ခ်ျသည် သင်၏ စက်အသုံးပြုမှုကို မထိခိုက်ပါ။ လော့ခ်ဖြေ မျက်နှာပြင်ကို ပြသစေရန်အတွက် မျက်နှာပြင်ပေါ်ကို နှိပ်ကာ သို့မဟုတ် ပွတ်ဆွဲကာ မှန်ကန်သော လော့ခ်မျက်နှာပြင် စကားဝှက်ကို ရိုက်ထည့်ပြီး ပင်မ မျက်နှာပြင်သို့ ဝင်ရောက်ရန်အတွက် မျက်နှာပြင်ကို လော့ခ်ဖြေရန်သာ လိုအပ်သည်။