မျက်နှာပြင်ပေါ်ရှိ အကြောင်းအရာများဖတ်သည့်အက်ပ်တစ်ခုအား အသုံးပြုခြင်း

မျက်နှာပြင် အရောင်ကို စိတ်ကြိုက်ပြုလုပ်ရန် အရောင် အမှန်ပြင်ခြင်းကို ဖွင့်ခြင်း

အရောင် အမှန်ပြင်ခြင်းသည် အမြင်အာရုံ အားနည်းသော လူများအတွက် မျက်နှာပြင် အကြောင်းအရာကို ပို၍ လွယ်လွယ်ကူကူ ကြည့်နိုင်အောင် ကူညီပေးသည်။

1. ဆက်တင် > အထောက်အကူပြု လုပ်ဆောင်ချက်များ > သုံးစွဲခွင့် > အရောင် ပြင်ဆင်မှု သို့ သွားပြီး အရောင် ပြင်ဆင်မှု ကို ဖွင့်ပါ။

2. အရောင် အမှန်ပြင်သည့် စနစ်ကို ရွေးချယ်ရန် အမှားပြင်ဆင်မှု စနစ် ကို နှိပ်ပါ။

ပုံကြီးချဲ့ လက်ဟန်အမူအရာကို အသုံးပြုခြင်း

မျက်နှာပြင်ပေါ်တွင် ဇူးမ်ချဲ့ရန် ပုံကြီးချဲ့ လက်ဟန်အမူအရာကို အသုံးပြုပါ။

သုံးစွဲခွင့် > ပုံကြီးချဲ့ခြင်း မျက်နှာပြင်တွင် ပုံကြီးချဲ့ခြင်း ကို နှိပ်ပြီးနောက် ၎င်းကို ဖွင့်ပါ။

မျက်နှာပြင်ကို သုံးကြိမ်ဆက်တိုက် နှိပ်ခြင်းဖြင့် ဇူးမ်ချဲ့ သို့မဟုတ် ဇူးမ်ချုံ့ပါ။

• ဇူးမ်ချဲ့ထားစဉ် နောက်ထပ် ဇူးမ်ချဲ့ရန် လက်နှစ်ချောင်းနှင့်အထက်ကို ဆွဲခွာပြီးနောက် ဇူးမ်ပြန်ချုံ့ရန် လက်နှစ်ချောင်းနှင့်အထက်ကို ဆွဲကပ်ပါ။

• မျက်နှာပြင်၏ အခြားအစိတ်ပိုင်းများကို ကြည့်ရန် လက်နှစ်ချောင်းနှင့် အထက်ဖြင့် မျက်နှာပြင်ကို ဆွဲရွှေ့ပါ။

အရောင် ပြောင်းပြန်လှန်ခြင်းကို ဖွင့်ခြင်း

အရောင် ပြောင်းပြန်လှန်ခြင်းသည် စာသားနှင့် နောက်ခံ အရောင်ကို ပြောင်းပြန်လှန်ခွင့် ပြုပါသည်။ အရောင် ပြောင်းပြန်လှန်ခြင်းကို ဖွင့်ထားသောအခါ သင့်စက်သည် စာသားကို အဖြူရောင်၊ နောက်ခံကို အနက်ရောင်ဖြင့် ပြသပါမည်။

သုံးစွဲခွင့် မျက်နှာပြင်ပေါ်တွင် အရောင်ပြောင်းလဲမှု ကို ဖွင့်ပါ။

ဝင်ရောက်သုံးစွဲခွင့် လုပ်ဆောင်ချက်ကို သက်ဝင်လုပ်ဆောင်ရန် ရှော့(တ်)ကတ်တစ်ခု အသုံးပြုခြင်း

ဝင်ရောက် သုံးစွဲခွင့် လုပ်ဆောင်ချက်ကို အမြန် သက်ဝင်လုပ်ဆောင်ရန် အသံအတိုးအကျယ် ခလုတ်များကို အသုံးပြုနိုင်ပါသည်။

1. သုံးစွဲခွင့် မျက်နှာပြင်တွင် သုံးစွဲခွင့် ရှော့(တ်)ကတ် ကို နှိပ်ပါ။

2. ရှော့(တ်)ကတ်ဖြင့် သင်သက်ဝင်လုပ်ဆောင်လိုသည့် လုပ်ဆောင်ချက်ကို ရွေးချယ်ရန် လုပ်ဆောင်ချက်များအား ရွေးချယ်ရန် ကို နှိပ်ပါ။

3. သုံးစွဲခွင့် ရှော့(တ်)ကတ် ကို ဖွင့်ပါ။ ယခု သင်သည် လုပ်ဆောင်ချက်ကို သက်ဝင်လုပ်ဆောင်ရန် အသံချဲ့ ခလုတ်နှင့် အသံတိုး ခလုတ်ကို 3 စက္ကန့်ကြာအောင် တစ်ပြိုင်တည်း ဖိ၍ နှိပ်ထားနိုင်ပါသည်။

မျက်နှာပြင် ထိနှိပ်မှု ကြာချိန်ကို ချိန်ညှိခြင်း

သင်သည် ထိနှိပ်မှု ကြာချိန်နှင့် ကြာရှည် ထိနှိပ်မှု ကြာချိန်ကို ချိန်ညှိနိုင်သည့်အပြင် အချိန်မည်မျှအတွင်း ထပ်တလဲလဲ ထိနှိပ်မှုများအား လျစ်လျူရှုမည်ကို သတ်မှတ်နိုင်သည်။

သုံးစွဲခွင့် ဆက်တင်များ မျက်နှာပြင်တွင် အောက်ပါတို့ကို လုပ်ဆောင်နိုင်ပါသည်-

• ထိနှိပ်မျက်နှာပြင် ဆက်တင် သို့မဟုတ် ဖိ၍ နှိပ်ထားမှု ကြန့်ကြာချိန် (သင့်စက် အမျိုးအစားပေါ် မူတည်၍) ကို နှိပ်၍ ထိနှိပ်မှု ကြာချိန်နှင့် ကြာရှည် ထိနှိပ်မှု ကြာချိန်ကို လိုအပ်သလို သတ်မှတ်ပါ။

• ထပ်နေသည့် ထိနှိပ်မှုများကို လျစ်လျူရှုရန် ကို ဖွင့်၍ ဆလိုက်ဒါကို ဆွဲကာ အချိန်အပိုင်းအခြားကို လိုအပ်သလို သတ်မှတ်ပါ။

  

  အချို့ကုန်ပစ္စည်းများက ထပ်နေသည့် ထိနှိပ်မှုများကို လျစ်လျူရှုရန် လုပ်ဆောင်ချက်ကို ပံ့ပိုးမပေးပါ။ အမှန်တကယ် ကုန်ပစ္စည်းကို အတည်ယူပါသည်။