Device+ကို အသုံးပြု၍ စက်များကို အထစ်အငေါ့မရှိ လုပ်ဆောင်အသုံးပြုလိုက်ပါ

သက်ဆိုင်သော ကုန်ပစ္စည်းများ： HUAWEI P smart S(single card 4gb+128gb)，HUAWEI Y8p(huawei p smart s single card 4gb+128gb)

သက်ဆိုင်သော ကုန်ပစ္စည်းများ：

သင့်အတွက် အောက်ပါရလဒ်များကို တွေ့ရှိရပါသည်။ ကျေးဇူးပြု၍ ရွေးချယ်ပေးပါ။

ရလဒ်ကို ရှာဖွေ၍မရပါ။ ကျေးဇူးပြု၍ ပြန်လည်ရွေးချယ်ပေးပါ။

Device+ကို အသုံးပြု၍ စက်များကို အထစ်အငေါ့မရှိ လုပ်ဆောင်အသုံးပြုလိုက်ပါ

Device+ သည် မတူညီသော စက်များအကြား ပူးတွဲဆောင်ရွက်ခွင့်ပြုသဖြင့် သင့်ဖုန်းသည် သင်၏ အနီးအနားရှိ တက်ဘလက်များ၊ ကွန်ပျူတာများ၊ Vision များ၊နှင့် အခြားပံ့ပိုးပေးသော စက်များ၏ ဆုံချက်ဖြစ်သွားကာ ၎င်းတို့ကို အဆင်ပြေပြေထိန်းချုပ်နိုင်စေသည်။ သင်သည် MeeTime ခေါ်ဆိုမှုများမှသည် ထုတ်လွှင့်ဆဲ အသံနှင့် ဗီဒီယိုအကြောင်းအရာများအထိ သင့်ဖုန်းပေါ်ရှိ လုပ်လက်စ အလုပ်များကိုလည်း တစ်ချက်နှိပ်ရုံဖြင့် သင့် Vision ထံသို့ ချောချောမွေ့မွေ့လွှဲပြောင်းနိုင်သည့်အပြင် သင့်ကွန်ပျူတာသို့ ထုတ်လွှင့်ထားသော ဖုန်းမျက်နှာပြင်ကို အလွယ်တကူ ကြည့်ရှုနိုင်သည် သို့မဟုတ် သင့်ကွန်ပျူတာကိုသုံး၍ ဖုန်းတွင် ဖိုင်များကို ပြင်ဆင်နိုင်သည်။

သင့်စက်ကို နောက်ဆုံးထွက် စနစ်ဗားရှင်းသို့ အပ်ဒိတ်လုပ်ထားကြောင်း သေချာပါစေ။

Device+ ကို သတ်မှတ်ခြင်း

လောလောဆယ်တွင် Device+ သည် ဖုန်းများကို အောက်ပါ စက်အမျိုးအစားများနှင့် ချိတ်ဆက်ခြင်းကို ပံ့ပိုးပေးသည်။ ဤလုပ်ဆောင်ချက်ကိုသုံးရန် ချိတ်ဆက်မည့်စက်များသည် Device+ ကို ပံ့ပိုးကြောင်း သေချာပါစေ။ သင်မစတင်မီ သင့်ဖုန်းတွင် ဘလူးတုသ်နှင့် Wi-Fi ကို ဖွင့်ပြီး သင့် HUAWEI ID သို့ ဝင်ရောက်ပါ။ အခြားစက်များအတွက် အောက်ပါဆက်တင်များကို လုပ်ဆောင်ပါ-

တက်ဘလက်- ဘလူးတုသ်နှင့် Wi-Fi ကို ဖွင့်ပြီး ၎င်းသည် သင့်ဖုန်းတွင် ဝင်ရောက်ထားသော HUAWEI ID ထဲသို့ပင် ဝင်ရောက်ထားကြောင်း သေချာပါစေ။
ကွန်ပျူတာ- ဘလူးတုသ်နှင့် Wi-Fi ကို ဖွင့်၍ ၎င်းသည် သင့်စက်တွင် ဝင်ရောက်ထားသော HUAWEI ID ထဲသို့ပင် ဝင်ရောက်ထားကြောင်း သေချာပါစေ။
Vision- ဘလူးတုသ်နှင့် Wi-Fi ကို ဖွင့်၍ ၎င်းသည် သင့်စက်တွင် ဝင်ရောက်ထားသော HUAWEI ID ထဲသို့ပင် ဝင်ရောက်ထားကြောင်း သေချာပါစေ။
ဘလူးတုသ် စက်- ဘလူးတုသ် ချိတ်ဆက်မှု ပြုလုပ်ပြီးနောက် (ဘလူးတုသ် နားကြပ်များကဲ့သို့) အချို့သော ဘလူးတုသ်စက်များကို Device+ မှတစ်ဆင့် သင့်စက်နှင့် ချိတ်ဆက်နိုင်သည်။

Device+ ကို ပြရန်- Device+ ကို ဝှက်ထားပါက သို့မဟုတ် ရှာမတွေ့နိုင်ပါက ကွန်ထရိုးလ် ပန်နယ် သို့ သွားပြီးနောက် > Device+ ကို ပြရန် သို့ သွားပါ။

MeeTime ခေါ်ဆိုမှုများနှင့် တိုက်ရိုက်လွှင့်ထားသော အသံ သို့မဟုတ် ဗီဒီယိုကို အခြားစက်များသို့ လွှဲပြောင်းခြင်း

သင့်စက်တွင် MeeTime ခေါ်ဆိုမှုများ ပြုလုပ်သောအခါ၊ ဗီဒီယိုများ ကြည့်ရှုသောအခါ (HUAWEI Video၊ Youku သို့မဟုတ် အခြားဗီဒီယို ထုတ်လွှင့်သည့် အက်ပ်များဖြင့်ကဲ့သို့) သို့မဟုတ် သီချင်းနားထောင်သောအခါ သင်သည် ဤဆောင်ရွက်ဆဲ အလုပ်များကို Device+ မှတစ်ဆင့် အခြားစက်သို့ လွှဲပြောင်းနိုင်သလို စက်အသစ်တွင် သင် ယခင်ရပ်ခဲ့သည့်နေရာမှ ပြန်စနိုင်သည်။ ဥပမာအားဖြင့် သင်သည် MeeTime ခေါ်ဆိုမှုကို သင့် Vision သို့လည်းကောင်း ထုတ်လွှင့်နေသည့် ဗီဒီယိုကို သင့်တက်ဘလက်သို့လည်းကောင်း လွှဲပြောင်းပေးနိုင်သည်။

MeeTime- ဤလုပ်ဆောင်ချက်ကို အချို့ နိုင်ငံများနှင့် ဒေသများတွင်သာ ရနိုင်ပါသည်။

အောက်ပါလုပ်ဆောင်ချက်များကို လွှဲပြောင်းရန် မတူညီသော စက်များကို ရွေးချယ်နိုင်သည်-

ဗီဒီယိုများ- တက်ဘလက်များနှင့် Vision သို့ လွှဲပြောင်းနိုင်သည်။
MeeTime ခေါ်ဆိုမှုများ- Vision သို့ လွှဲပြောင်းနိုင်သည်။
ဂီတ- ဘလူးတုသ် နားကြပ်များနှင့် Vision (မျက်နှာပြင် ပိတ်ထားသည်ဖြစ်စေ ဖွင့်ထားသည်ဖြစ်စေ) သို့ လွှဲပြောင်းနိုင်သည်။

ကွန်ထရိုးလ် ပန်နယ် ကို ပြသရန် သင့်စက်၏ အပေါ် ညာဘက်ထောင့်စွန်းမှ အောက်သို့ ပွတ်ဆွဲပါ။ ရနိုင်သော စက်များကို Device+ အပိုင်းတွင် ပြသထားပါမည်။ အနီးအနားရှိ စက်များကို ကိုယ်တိုင် ရှာဖွေရန် ကိုလည်း နှိပ်နိုင်သည်။
လုပ်ဆောင်ဆဲ အလုပ်များကို သင် လွှဲပြောင်းလိုသည့် စက်ကို နှိပ်ပါ။

ပုံများသည် ကိုးကားရန်အတွက်သာ ဖြစ်ပါသည်။

ကွန်ပျူတာ သို့မဟုတ် တက်ဘလက်တွင် Multi-Screen ပူးတွဲဆောင်ရွက်မှုကို သုံးခြင်း

သင့်ကွန်ပျူတာ သို့မဟုတ် တက်ဘလက်ကို အသုံးပြု၍ ဖုန်းတွင် ဖိုင်များကို ကြည့်ရှုနိုင်၊ ပြင်ဆင်နိုင်သည်၊ စက်များအချင်းချင်း ဖိုင်များကို ဆွဲရွှေ့နိုင်သည်၊ ဖုန်းအက်ပ်များကို သင့်ကွန်ပျူတာ သို့မဟုတ် တက်ဘလက်တွင် အသုံးပြု၍ပင် ရသည်။

ကွန်ထရိုးလ် ပန်နယ် ကို ပြသရန် သင့်စက်၏ အပေါ် ညာဘက်အစွန်းမှ အောက်သို့ ပွတ်ဆွဲပါ။ ရနိုင်သော စက်များကို Device+ အခန်းတွင် ပြသထားသည်။ အနီးအနားရှိ စက်များကို ကိုယ်တိုင် ရှာဖွေရန် ကိုလည်း နှိပ်နိုင်သည်။
သင်ချိတ်ဆက်လိုသော စက်ကို ရွေးချယ်ပါ၊ ထို့နောက် သင့်စက် မျက်နှာပြင်ကို ထိုစက်တွင် ပြသပါမည်။

Multi-Screen ပူးတွဲဆောင်ရွက်မှုကို ရပ်တန့်ရန် Device+ အပိုင်းတွင် သက်ဆိုင်ရာစက်ကို ထပ်မံ နှိပ်ပါ။

အသုံးဝင်သည် သို့မဟုတ် မဝင်ပါ။

ဟုတ်သည် မဟုတ်ပါ

တင္ျပမည္

သင့္အႀကံျပဳခ်က္အတြက္ ေက်းဇူးတင္ပါသည္