ဗီဒီယို ရိုက်ကူးခြင်း

ဇူးမ်အဆင့်ကိုလိုက်၍ ချိန်ညှိရန် အသံ ပမာဏကို ချိန်ညှိနိုင်ခြင်း

ဗီဒီယိုတစ်ခု ရိုက်ကူးနေစဉ် သင့်စက်သည် သင် ရိုက်ကူးနေသည့် အရာ၏ အသံကို ဆုံချက်ချိန်နိုင်သောကြောင့် သင် ဇူးမ်ချဲ့သည့်အခါ အသံ ပိုကျယ်လာသည်။

ဥပမာ သင်သည် စတိတ်စင်ပေါ်ရှိ ကလေးတစ်ဦး သီချင်းဆိုနေသည်ကို ရိုက်ကူးနေပါက ကလေးကို ဇူးမ်ချဲ့ကြည့်လိုက်သည့်အခါ ကလေး၏ အသံသည် ပို၍ ကြည်လင်ပြတ်သားလာမည်ဖြစ်သည်။

1. ကင်မရာ ကို ဖွင့်၍ ဗီဒီယို စနစ်ကို ရွေးချယ်ပါ။

2. အနောက်ကင်မရာ အသုံးပြုသောအခါ သင် ရိုက်ကူးလိုသည့် အရာကို ကင်မရာဖြင့် ချိန်ပါ။

3. စတင်ရိုက်ကူးရန် ကို နှိပ်ပါ။ Viewfinder ပေါ်တွင် လက်နှစ်ချောင်းကို ဆွဲခွာခြင်းဖြင့် သို့မဟုတ် ဇူးမ်ဆလိုက်ဒါကို အပေါ်သို့ ဆွဲခြင်းဖြင့် ရိုက်ကူးနေသည့် အရာကို ဇူးမ်ချဲ့ပါ။

   ကင်မရာကို ဇူးမ်ချဲ့လိုက်သည်နှင့် ဖမ်းယူနေသည့် အသံ ပို၍ ကြည်လင်ပြတ်သားလာမည်ဖြစ်သည်။

4. ရိုက်ကူးခြင်းကို အဆုံးသတ်ရန် ကို နှိပ်ပါ။

ဗီဒီယိုများ ရိုက်ကူးနေစဉ် ရှေ့ကင်မရာနှင့် အနောက်ကင်မရာအကြား ပြောင်းခြင်း

သင်သည် ဗီဒီယိုများ ရိုက်ကူးနေစဉ်တွင် ရိုက်ကူးမှုကို ခေတ္တရပ်ရန် သို့မဟုတ် အပြီးရပ်တန့်ရန် မလိုဘဲ ရှေ့ကင်မရာနှင့် အနောက်ကင်မရာအကြား ပြောင်းနိုင်သည်။

1. ကင်မရာ ကို ဖွင့်ပြီး ဗီဒီယို စနစ်ကို ရွေးချယ်ပါ။

   

   အချို့သော ရိုက်ကူးမှု သတ်မှတ်ချက်များသည် သင့်ရိုက်ကူးမှုကို မရပ်ဘဲ ရှေ့ကင်မရာနှင့် အနောက်ကင်မရာအကြား ပြောင်းခြင်းကို လုပ်ဆောင်မပေးနိုင်ပါ။ အမှန်တကယ်ဖြစ်နေသည့် အခြေအနေကိုသာ အတည်ယူရမည်။

2. စတင်ရိုက်ကူးရန် ကို နှိပ်ပါ။

   သင်သည် ရိုက်ကူးနေစဉ် ခေတ္တရပ်ရန် သို့မဟုတ် အပြီးရပ်တန့်ရန် မလိုဘဲ ကို နှိပ်၍ ရှေ့ကင်မရာနှင့် အနောက်ကင်မရာအကြား ပြောင်းနိုင်သည်။

3. ရိုက်ကူးမှုကို ခေတ္တရပ်ရန် ကို နှိပ်ပြီး ရိုက်ကူးမှုကို အပြီးရပ်တန့်ရန် ကို နှိပ်ပါ။

ဗီဒီယိုများ ရိုက်ကူးရန် AI ရုပ်ရှင် အထူးပြုလုပ်ချက်များကို သုံးခြင်း

ရိုက်ပြီးမှ ပြန်လည်တည်းဖြတ်ခြင်း ပြုလုပ်ရန် မလိုဘဲ AI ရုပ်ရှင် အထူးပြုလုပ်ချက်များကို သုံးပြီး သင့်ဗီဒီယိုများတွင် အနုပညာလက်ရာမြောက် အစိတ်အပိုင်းတစ်ခု ထည့်လိုက်ပါ။

1. ကင်မရာ ကို ဖွင့်ပြီး ဗီဒီယို စနစ်ကို ရွေးချယ်ပါ။

2. အနောက်ကင်မရာသို့ ပြောင်းပါ၊ သို့မဟုတ် ကို နှိပ်ပြီး AI အရောင်၊ နောက်ခံ အဝါး သို့မဟုတ် အခြား ရုပ်ရှင် အထူးပြုလုပ်ချက်များ (သင့်စက် အမျိုးအစားပေါ် မူတည်၍) ကို ရွေးချယ်ရန် မျက်နှာပြင်ပေါ်ရှိ လမ်းညွှန်များအတိုင်း လုပ်ဆောင်ပါ။

3. > ဗီဒီယို ရီဆိုလူးရှင်း သို့သွားပြီး 21:9 ရှုထောင့်အချိုးကို ရွေးချယ်ပါ (ရုပ်ရှင်အများစုကို ဤအချိုးဖြင့် ရိုက်ကူးသည်)။

    

   • ထုတ်ကုန်အချို့သည် 21:9 ရှုထောင့်အချိုးကို ပံ့ပိုးမပေးပါ။

   • သင့်စက်က လုပ်ဆောင်ချက်ကို ပံ့ပိုးလျှင် ၎င်းကို ဦးစွာ ပိတ်ပါ။

4. ရိုက်ကူးရန် ကို နှိပ်ပါ။

   ရိုက်ကူးနေစဉ် ရုပ်ရှင်အထူးပြုလုပ်ချက်များဖြင့် ဓာတ်ပုံများ ရိုက်ရန် ကို နှိပ်ပါ။

5. ရိုက်ကူးမှု အဆုံးသတ်ရန် ကို နှိပ်ပါ။

4K UHD ဗီဒီယိုများ ရိုက်ကူးခြင်း

သင်၏စက်သည် 4K Ultra HD (UHD) ဗီဒီယိုရိုက်ကူးမှုကို ပံ့ပိုးပေးပြီး ပိုမိုမြင့်မားသော ကြည်လင်ပြတ်သားမှုဖြင့် ရိုက်ကူးနိုင်စေပါသည်။

1. ကင်မရာ ကို ဖွင့်ပြီး ဗီဒီယို စနစ်ကို ရွေးချယ်ပါ။

2. > ဗီဒီယို ရီဆိုလူးရှင်း သို့ သွားပြီး 4K ပုံရိပ်ကြည်လင်ပြတ်သားမှုကို ရွေးချယ်ပါ။

   အလှစနစ်၊ စစ်ထုတ်မှုများနှင့် အထူးပြုလုပ်ချက်များကို 4K တွင် အသုံးပြု၍မရသောကြောင့် သင်က 4K ပုံရိပ်ကြည်လင်ပြတ်သားမှုကို ရွေးချယ်လိုက်သောအခါ ၎င်းတို့ကို အလိုအလျောက် ပိတ်လိုက်ပါမည်။

3. ဗီဒီယို မျက်နှာပြင်သို့ပြန်သွားပြီး စတင်ရိုက်ကူးရန်အတွက် ကို နှိပ်ပါ။

ပုံရိပ်ကြည်လင်ပြတ်သားမှု ပိုမြင့်ပါက ဗီဒီယို အရည်အသွေး ပိုမိုမြင့်မားသော်လည်း သိုလှောင်မှု နေရာကိုလည်း ပိုမိုအသုံးပြုပါမည်။