SIM PIN လော့ခ်တစ်ခု သတ်မှတ်ခြင်း

သင့်စက် ပျောက်ဆုံးသွားပါက သို့မဟုတ် ခိုးခံရပါက အခြားသူများသည် သင့်ဖုန်းနံပါတ်နှင့် အတည်ပြု ကုဒ်ကို သုံးနိုင်သောကြောင့် သင့်အကောင့်များနှင့် ကိုယ်ရေး အချက်အလက်ကို ထိခိုက်စေနိုင်ပါသည်။ ဥပမာ- သင့်ဓာတ်ပုံများ သို့မဟုတ် ချတ်မှတ်တမ်းများ ပေါက်ကြားနိုင်သည် သို့မဟုတ် ငွေကြေးလွှဲပြောင်းမှုများ ပြုလုပ်ရန် အခြားသူများက သင့်ကိုယ်ရေး အချက်အလက်ကို သုံးနိုင်သည်။

PIN သည် SIM ကတ်၏ အထောက်အထား ကုဒ်အဖြစ် ဆောင်ရွက်ပြီး SIM ကတ်ကို ကာကွယ်ရန် သုံးနိုင်သည်။ ၎င်းကို သတ်မှတ်ပြီးနောက် သင့်စက်ကို ပါဝါဖွင့်သည့် အခါတိုင်း သို့မဟုတ် စက်အသစ်တစ်ခုသို့ ပြောင်းသည့်အခါတိုင်း ခွင့်ပြုချက် မရဘဲ ဝင်ရောက် သုံးစွဲမှုကို တားမြစ်ရန်အတွက် SIM ကတ်ကို လော့ခ်ဖြေရန် မှန်ကန်သော PIN ကို ရိုက်ထည့်ရန် လိုပါမည်။

သင်သည် မှားယွင်းသော PIN ကို ရိုက်ထည့်ပြီး လော့ခ်ဖြေခွင့်ပြုထားသော အများဆုံးအကြိမ်ရေထက် ကျော်လွန်သွားပါက PIN လော့ခ်ဖြေကီး (PUK) ကို ရိုက်ထည့်ပြီးနောက် PIN ကို ပြန်လည်သတ်မှတ်ရန် လိုပါမည်။ PUK ကို လော့ခ်ဖြေခွင့်ပြုထားသော အများဆုံးအကြိမ်ရေထက် ကျော်လွန်သွားပါက သင့် SIM ကတ်ကို အပြီးတိုင် ပိတ်လိုက်ပါမည်။

သင့် SIM ကတ်နှင့် သက်ဆိုင်သော ကနဦး PIN နှင့် PUK ကို သင့်ဆက်သွယ်ရေး ကယ်ရီယာက ပံ့ပိုးပေးပါသည်။ ဂဏန်းအရေအတွက်နှင့် လော့ခ်ဖြေခွင့်ပြုသော အများဆုံး အကြိမ်ရေတို့သည် သင့်ဆက်သွယ်ရေး ကယ်ရီယာအပေါ် မူတည်ပါသည်။

1. SIM PIN မျက်နှာပြင်သို့ ဝင်ရောက်ရန် ဆက်တင် > လုံခြုံရေး > SIM PIN သို့ သွားပါ။

2. SIM PIN ကို ဖွင့်၍ PIN ကို ရိုက်ထည့်ပြီးနောက် အိုကေ ကို နှိပ်ပါ။

   PIN ပြောင်းရန် SIM PIN ပြောင်းမည် ကို နှိပ်ပြီး မျက်နှာပြင်ပေါ်ရှိ လမ်းညွှန်များအတိုင်း လုပ်ဆောင်ပါ။