အောက်ပါဖြေရှင်းနည်းများကို စမ်းသပ်ကြည့်ပါ-

မည်သည့် Wi-Fi ဟော့စပေါ့ကိုမျှ ရှာဖွေ၍မရခြင်း

1. Wi-Fi ကို ပြန်ဖွင့်ပြီး ထပ်စမ်းသပ်ကြည့်ပါ။
2. ဆက်တင်များ ကို ဖွင့်ပါ၊ ကွန်ရက် ဆက်တင်များအား ပြန်လည်သတ်မှတ်ရန် ကို ရှာပြီး ဝင်ရောက် သုံးစွဲပါ၊ ထို့နောက် သင့်ဖုန်း၏ ကွန်ရက် ဆက်တင်ကို ပြန်လည်သတ်မှတ်ပါ။ (မှတ်ချက်- ၎င်းသည် သင့် Wi-Fi နှင့် ဘလူးတုသ် ချိတ်ဆက်မှု မှတ်တမ်းအားလုံးကို ဖျက်ပစ်လိုက်ပါမည်။)
3. ပြဿနာ ဆက်ရှိနေသေးပါက အကူအညီရယူရန် သင့်ဒေတာများကို ဘက်ခ်အပ်လုပ်ပြီး သင့်စက်နှင့် ဝယ်ယူမှု သက်သေကို တရားဝင် ခွင့်ပြုချက်ရထားသော Huawei သုံးစွဲသူ ဝန်ဆောင်မှုစင်တာသို့ ယူသွားပါ။

Wi-Fi ဟော့စပေါ့အချို့ကို ရှာဖွေ၍ မရခြင်း

1. ဟော့စပေါ့အမည် (SSID) ကို ဝှက်ထားခြင်း ဖြစ်နိုင်သည်။ Wi-Fi ဟော့စပေါ့၏ SSID နှင့် စကားဝှက်ကို ကိုယ်တိုင် ပေါင်းထည့်ပါ သို့မဟုတ် ရောက်တာ၏ SSID ဝှက်သည့် လုပ်ဆောင်ချက်ကို ပိတ်ပါ။
2. အသိပေးချက် မျက်နှာပြင်ကို ဖွင့်ရန် အခြေနေပြဘားမှ အောက်သို့ ပွတ်ဆွဲပါ၊ ဟော့စပေါ့ ဆက်တင်ကို ဝင်ရောက် သုံးစွဲရန် ကိုယ်ပိုင် ဟော့စပေါ့ အိုင်ကွန်ကို နှိပ်ပါ၊ ဟော့စပေါ့အား ချိန်ညှိရန် ကို နှိပ်ပါ၊ အဆင့်မြင့် ရွေးချယ်မှုများကို ပြပါ ကို ရွေးချယ်ပါ(EMUI 10.0 ဖြင့် အလုပ်လုပ်သော ဖုန်းများတွင် နောက်ထပ် ကို နှိပ်ပါ)၊ ထို့နောက် သင့်ဖုန်းက ပံ့ပိုးသော ကြိမ်နှုန်းလှိုင်းခွင်များကို ကြည့်ရန် AP လှိုင်း ကို နှိပ်ပါ။ ထို့နောက် သင်ချိတ်ဆက်ရန် ကြိုးစားနေသော Wi-Fi ဟော့စပေါ့များ၏ ကြိမ်နှုန်းလှိုင်းခွင်သည် ၎င်းနှင့် ကိုက်ညီမှုရှိမရှိ စစ်ဆေးပါ။ သင့်ဖုန်းသည် 2.4 GHz Wi-Fi ကိုသာ ပံ့ပိုးပါက 5 GHz Wi-Fi ဟော့စပေါ့များကို ရှာဖွေ တွေ့ရှိမည် မဟုတ်ပါ။ ဤသို့ဖြစ်လျှင် ဟော့စပေါ့ကို 2.4 GHz သို့ သတ်မှတ်ပြီး ထပ်ကြိုးစားကြည့်ပါ။ လိုအပ်ပါက အကူအညီတောင်းခံရန် ရောက်တာ စီမံအုပ်ချုပ်သူကို ဆက်သွယ်ပါ။

   မှတ်ချက်- ကြိမ်နှုန်းထိန်းချုပ်ရေး လုပ်ဆောင်ချက်ကို ရောက်တာတွင် ဖွင့်ထားပါက 5 GHz Wi-Fi ဟော့စပေါ့များကိုသာ ရရှိနိုင်သည်။ ဤသို့ဖြစ်လျှင် ကြိမ်နှုန်းထိန်းချုပ်ရေး လုပ်ဆောင်ချက်ကို ပိတ်ပါ။ ယခုအခါ နောက်ဆက်တွဲသာလျှင် မတူညီသော ဟော့စပေါ့အမည် အမျိုးအစားနှစ်ခုကို တွေ့နိုင်ပါမည် (2.4 GHz ဟော့စပေါ့အတွက် HUAWEI-XXXXXX နှင့် 5 GHz ဟော့စပေါ့အတွက် HUAWEI-XXXXXX_5G ကဲ့သို့)။ သင့်လိုအပ်ချက်ပေါ် မူတည်၍ ၎င်းတို့အနက်မှ တစ်ခုသို့ ချိတ်ဆက်နိုင်သည်။

3. ရောက်တာ Wi-Fi ဟော့စပေါ့တစ်ခုသို့ ချိတ်ဆက်လိုပါက ၎င်း၏ လျှို့ဝှက်ကုဒ်ပြောင်း အမျိုးအစားကို အဆင့်မြှင့်ဖွင့်၊ WPA3 တစ်ကိုယ်ရေသုံး၊ သို့မဟုတ် WPA3 လုပ်ငန်းသုံးအဖြစ် သတ်မှတ်ထားခြင်းရှိမရှိ စစ်ဆေးပါ။ (မော်ဒယ်အချို့တွင် အထက်ဖော်ပြပါ လျှို့ဝှက်ကုဒ်ပြောင်းမုဒ်များကို ပံ့ပိုးမပေးပါ။) ထိုသို့ဖြစ်ပါက ရောက်တာ၏ လျှို့ဝှက်ကုဒ်ပြောင်းမုဒ်ကို အောက်ပါပုံတွင် ပြထားသည့်အတိုင်း ဖွင့်/အဆင့်မြှင့်ဖွင့်၊ WPA2/WPA3 တစ်ကိုယ်ရေသုံး၊ သို့မဟုတ် WPA2/WPA3 လုပ်ငန်းသုံးအဖြစ် ပြောင်းလဲပါ။
4. ပြဿနာ ဆက်ရှိနေပါက ရောက်တာ၏ ကြိမ်နှုန်းလှိုင်းခွင်နှင့် လိုင်းဆက်တင်ကို ပြောင်းလဲပါ။ သင့်ရောက်တာ၏ လိုင်းများကို 2.4 GHz Wi-Fi အတွက် 1၊ 6 သို့မဟုတ် 11 နှင့် 5 GHz Wi-Fi အတွက် 149 သို့ ပြောင်းလဲပြီး ထပ်မံရှာပါ။
5. သင့်ဖုန်းသည် ပြည်တွင်းသုံးဗားရှင်း မဟုတ်သည့်ဖြစ်ရပ်တွင် (ဥပမာ China (တရုတ်) ပြင်ပတွင် China (တရုတ်) ဗားရှင်းကို အသုံးပြုခြင်း သို့မဟုတ် China (တရုတ်) တွင် ပြည်ပဗားရှင်းဖုန်းကို အသုံးပြုခြင်း) ဤပြဿနာ ဆက်ဖြစ်ပေါ်နေပါက ပြည်တွင်းသုံး SIM ကတ်တစ်ခုကို ထည့်ပြီး ပြည်တွင်းကွန်ရက်တစ်ခုတွင် မှတ်ပုံတင်ပါ၊ ထို့နောက် Wi-Fi ဟော့စပေါ့ကို ထပ်မံရှာဖွေပါ၊ မတူညီသောနိုင်ငံ/ဒေသများသည် မတူညီသော Wi-Fi ကွန်ရက်လိုင်းများကို အသုံးပြုခြင်းကြောင့် ဖြစ်သည်။
6. Wi-Fi ဟော့စပေါ့များကို ရှာဖွေရန် ပြင်ပအဖွဲ့အစည်း အက်ပ်တစ်ခုကို သုံးချိန်တွင် ဤပြဿနာ ပေါ်ပေါက်လာပါက အောက်ပါတို့ကို လုပ်ဆောင်ပါ-
   • အသိပေးချက် မျက်နှာပြင်ကို ဖွင့်ရန် အခြေနေပြဘားမှ အောက်သို့ ပွတ်ဆွဲပါ၊ ထို့နောက် တည်နေရာ ကို ဖွင့်ပါ။
   • ဆက်တင် ကို ဖွင့်ပါ၊ ခွင့်ပြုချက်များ ကို ရှာပြီး ဝင်ရောက် သုံးစွဲပါ၊ ခွင့်ပြုချက်များ ကို ရွေးချယ်ပါ၊ ထို့နောက် တည်နေရာ သို့မဟုတ် တည်နေရာ အချက်အလက်အား ဝင်ရောက်သုံးစွဲရန် ကို နှိပ်ပြီး ပြဿနာရှိသောအက်ပ်ကို ခွင့်ပြုချက် ပေးထားခြင်းရှိမရှိ စစ်ဆေးပါ။
   • ယခုအခါ သင့်ဖုန်းသည် Wi-Fi ဟော့စပေါ့များကို ရှာဖွေ တွေ့ရှိခြင်းရှိမရှိ စစ်ဆေးပါ။ ထိုသို့ဖြစ်ပါက ပြဿနာသည် ပြင်ပအဖွဲ့အစည်း အက်ပ်တွင် ရှိနေသည်။ ဤသို့ဖြစ်လျှင် အက်ပ်ကို Huawei AppGallery သို့မဟုတ် Google Play Store မှ အပ်ဒိတ်လုပ်ပါ သို့မဟုတ် အလားတူ လုပ်ဆောင်ချက်ရှိသော အက်ပ်များကို ဒေါင်းလုဒ်လုပ်ပါ။

ပြဿနာ ဆက်ရှိနေသေးပါက အကူအညီရယူရန် သင့်ဒေတာများကို ဘက်ခ်အပ်လုပ်ပြီး သင့်စက်နှင့် ဝယ်ယူမှု သက်သေကို တရားဝင် ခွင့်ပြုချက်ရထားသော Huawei သုံးစွဲသူ ဝန်ဆောင်မှုစင်တာသို့ ယူသွားပါ။