အားသွင်းနေစဉ်အတွင်း ကျွန်ုပ်၏ HUAWEI ဖုန်း/တက်ဘလက် ပူလာခြင်း

ပြဿနာ-

အားသွင်းနေစဉ်အတွင်း ဖုန်း/တက်ဘလက် ပူလာသည်။

အကြောင်းရင်း-

အားသွင်းလျှပ်စီး လွှဲပြောင်းပေးပို့စဉ်အတွင်း စွမ်းအင်ဆုံးရှုံးမှု ဖြစ်ပေါ်ပြီး ယင်းဖြစ်စဉ်က အပူကိုထုတ်ပေးသည်။ အမြန် အားသွင်းမှုနှင့် SuperCharge ကို ပံ့ပိုးသည့် ဖုန်းများ/တက်ဘလက်များအတွက် လျှပ်စီးနှင့် ဗို့အားသည် အားသွင်းနေစဉ်အတွင်း ပိုမြင့်ပြီး ယင်းက အပူချိန်ကို ပိုမြင့်တက်စေသည်။

ဖြေရှင်းချက်-

1. သင့်ဖုန်း/တက်ဘလက်ကို ပူသောနေရာများတွင် သို့မဟုတ် နေရောင်တိုက်ရိုက်ရသောနေရာများအောက်တွင် သို့မဟုတ် ဂွမ်းစောင် သို့မဟုတ် စောင်ထဲတွင်ထား၍ အားသွင်းခြင်းမပြုပါနှင့်။

2. အားသွင်းနေစဉ် သင့်ဖုန်းကို အသုံးမပြုပါနှင့်။ အားသွင်းနေစဉ် သင့်စက်ကိုအသုံးပြုပါက ထိုအချိန်တွင် စက်သည် အက်ပ်များကို ဖွင့်ထားပြီး မျက်နှာပြင်လည်း ပွင့်နေသည့်အတွက် စက်အပူချိန်သည် ပုံမှန်အားသွင်းစဉ် အပူချိန်ထက် ပိုမြင့်လာမည်ဖြစ်သည်။ အားသွင်းပြီးနောက်မှသာ သင့်စက်ကို သုံးပါ။ အားအမြန်ပြည့်စေရန်အတွက် အမြန် အားသွင်းမှုနှင့် SuperCharge ကို သုံးနိုင်သည်။

3. ပါဝါ-သုံးလွန်းသည့် အက်ပ်များကို ပိတ်ရန် သို့မဟုတ် အကြံပြုထားသော အကောင်းဆုံးချိန်ညှိမှုများအတိုင်း လုပ်ဆောင်ရန် My HUAWEI အက်ပ်ကို ဖွင့်ပြီး အကူအညီ > စစ်ဆေးမှု > ဘက်ထရီ > အပူလွန်ကဲခြင်း/ဘက်ထရီ သက်တမ်းတိုခြင်းသို့ သွားပါ။

4. HUAWEI ဖုန်းများ/တက်ဘလက်များတွင် ဘက်စုံ အပူ စောင့်ကြည့်စစ်ဆေးခြင်းနှင့် အပူလွန်ကဲမှု အကာအကွယ်များ ပါရှိသည်။ အားသွင်းနေစဉ်အတွင်း သင့်ဖုန်း/တက်ဘလက် လွန်လွန်ကဲကဲပူလာ၍ စက်ကို ပြန်လည်စတင်ပြီး ၎င်းကို ခဏကြာ အသုံးမပြုဘဲထားပြီးနောက်တွင် ထိုပြဿနာဆက်ဖြစ်နေပါက သင့်ဒေတာကို ဘက်ခ်အပ်လုပ်ပြီး အကူအညီရယူရန်အတွက် သင့်စက်နှင့်အတူ ဝယ်ယူမှု သက်သေကို Huawei သုံးစွဲသူ ဝန်ဆောင်မှုစင်တာသို့ ယူသွားပါ။