ကျွန်ုပ်၏ HUAWEI ဖုန်း/တက်ဘလက်တွင် ဖုန်းခေါ်ဆိုသည့်အခါ ဘက်ထရီအားအကုန်မြန်ခြင်း

ပြဿနာ-

သုံးစွဲသူက ဖုန်းခေါ်ဆိုသည့်အခါ ဖုန်း/တက်ဘလက်၏ ပါဝါ သုံးစွဲမှု မြင့်တက်လာပါသည်။

အကြောင်းရင်း-

• ဖုန်းများပြောနေစဉ်အတွင်း ဖုန်း/တက်ဘလက်၏ RF အစိတ်အပိုင်းများ၊ မျက်နှာပြင်၊ စပီကာနှင့် ဖုန်းနားကြပ်ပိုင်းတို့သည် အဆက်မပြတ် အလုပ်လုပ်ရပြီး ပါဝါပမာဏမြောက်မြားစွာကို သုံးစွဲသည်။
• ကွန်ရက်လိုင်းမငြိမ်ပါက သင့်ဖုန်း/တက်ဘလက်သည် ၎င်း၏ လိုင်းထုတ်လွှင့်နိုင်စွမ်းကို တိုးမြှင့်မည်ဖြစ်၍ ပါဝါ သုံးစွဲမှု ပိုများလာပါမည်။

ဖြေရှင်းချက်-

1. သင့်ဖုန်း/တက်ဘလက်၏ ပါဝါ သုံးစွဲမှုကို ထိထိရောက်ရောက် လျှော့ချရန် ဖြစ်နိုင်ပါက ဖုန်းပြောနေစဉ် မျက်နှာပြင်ကို ပိတ်ထားပါ။
2. ဖုန်းနားကြပ်ပိုင်းနှင့် စပီကာတို့ အဆက်မပြတ် အလုပ်လုပ်၍ သိသိသာသာ ပါဝါအကုန်မြန်ခြင်း မဖြစ်စေရန်အတွက် ဖုန်းအကြာကြီးပြောသည့်အခါ မိုက်ခွက်ပါနားကြပ်ကို အသုံးပြုပါ။
3. လိုင်းဆွဲအားကောင်းသောနေရာသို့ ပြောင်းရွှေ့ရန် သင့်ကို အကြံပြုပါသည်။

ဤပြဿနာသည် သင်၏ပုံမှန်အသုံးပြုမှုကို ထိခိုက်စေပါက အကူအညီရယူရန်အတွက် သင့်ဒေတာကို ဘက်ခ်အပ်လုပ်ပြီး သင့်စက်နှင့်အတူ ဝယ်ယူမှု သက်သေကို တရားဝင်ခွင့်ပြုထားသော Huawei သုံးစွဲသူ ဝန်ဆောင်မှုစင်တာသို့ ယူဆောင်သွားပါ။