ဖုန်းတွင် 2G/3G လိုင်း ရှိသော်လည်း 4G လိုင်း မရှိပါ
| ဖုန်းတွင် 2G/3G လိုင်း ရှိသော်လည်း 4G လိုင်း မရှိပါ |
သင့်ဖုန်းတွင် 4G လိုင်း မရှိပါက အောက်ပါတို့ကို ဆောင်ရွက်ပါ-
4G ကို ဖွင့်ထားခြင်း ရှိ၊ မရှိ စစ်ပါ။
- SIM ကတ် တစ်ကတ်တည်းကိုသာ ထည့်သွင်းထားပါက- အသိပေးချက် မျက်နှာပြင်ကို ဖွင့်ရန် အခြေအနေပြဘားမှ အောက်သို့ ပွတ်ဆွဲပါ၊ ဆက်တင် မျက်နှာပြင်သို့ ဝင်ရန် မိုဘိုင်း ဒေတာ အိုင်ကွန်ကို ဖိ၍ နှိပ်ထားပြီး 4G ကို ဖွင့်ပါ သို့မဟုတ် ကွန်ရက် စနစ်ကို 4G/3G/2G အလိုအလျောက်ဟု သတ်မှတ်ပါ။
(မှတ်ချက်- 4G ဖွင့်/ပိတ် ခလုတ် သို့မဟုတ် ကွန်ရက် စနစ် ရွေးချယ်မှု မရှိပါက 4G ကို ပုံသေ ဖွင့်ထားသည်ဟု ညွှန်ပြခြင်းဖြစ်ပါသည်။)
- SIM ကတ် နှစ်ကတ် ထည့်သွင်းထားပါက-Dual SIM 4G ဖွင့်/ပိတ် ခလုတ်ကို ဖွင့်ထား၊ မထား စစ်ပါ။ ဆက်တင်ကို ဖွင့်ပါ၊ ရှာဖွေရေး အကွက်တွင် Dual SIM 4G သို့ ဝင်ရောက်ပြီး နှိပ်ကာ Dual SIM 4G ဖွင့်/ပိတ် ခလုတ်ကို ဖွင့်ပါ။
ရလဒ်တစ်ခုမျှ မတွေ့ပါက 4G SIM နှစ်ကတ်ကို ပုံသေ ဖွင့်ထားသည်ဟု ညွှန်ပြပါသည်။
SIM ကတ်တွင် စွန်းထင်းခြင်း၊ သံချေးတက်ခြင်း သို့မဟုတ် ပုံပျက်ခြင်း ရှိ၊ မရှိ စစ်ပါ။
- SIM ကတ်ကို ဖယ်ရှားပြီး SIM ကတ်၏ သတ္တုမျက်နှာပြင် စွန်းထင်းနေခြင်း သို့မဟုတ် သံချေးတက်နေခြင်း ရှိ၊ မရှိ စစ်ဆေးပါ။ ထိုသို့ဖြစ်နေပါက လိုင်းဖမ်းယူမှုကို ထိခိုက်နိုင်ပါသည်။ SIM ကတ်ကို သန့်ရှင်းစွာထားရှိပါရန် အကြံပြုပါသည်။
- သင့် SIM ကတ်ကို စံသတ်မှတ်ထားသည့် ပုံစံအတိုင်း မဟုတ်ဘဲ ဖြတ်ထားပါက လိုင်းဖမ်းယူနိုင်မှုကို ထိခိုက်နိုင်ပါသည်။ ဤကိစ္စရပ်တွင် ပုံမှန် SIM ကတ်ကို သုံး၍ 4G လိုင်း မိ၊ မမိ စစ်ဆေးရန် အကြံပြုပါသည်။ လိုင်း ပုံမှန်အတိုင်း ပြန်ဖြစ်သွားပါက သင့်ဆက်သွယ်ရေး ကယ်ရီယာကို ဆက်သွယ်၍ သင့် SIM ကတ်ကို စံနှုန်းမီ ကတ်ဖြင့် အစားထိုးပေးပါ။
အခြား တစ်နေရာသို့ ရွှေ့ပါ။
ကွန်ရက် ဖြန့်ကျက်မှုနှင့် ပတ်သက်၍ ဒေသတွင်း ဆက်သွယ်ရေး ကယ်ရီယာကို မေးမြန်းပါ သို့မဟုတ် ၎င်းဆက်သွယ်ရေး ကယ်ရီယာ၏ SIM ကတ်ကို အသုံးပြု၍ သင့်ဖုန်း၏ ကွန်ရက် အခြေအနေကို စစ်ပါ။ 4G ကွန်ရက် မရှိပါက ဒေသတွင်း ဆက်သွယ်ရေး ကယ်ရီယာ၏ 4G ကွန်ရက် ညံ့ခြင်း သို့မဟုတ် မတည်ငြိမ်ခြင်းကြောင့် 4G လိုင်း မရှိခြင်း ဖြစ်နိုင်ပါသည်။ ဤကိစ္စရပ်တွင် အခြားနေရာသို့ ရွှေ့ပြီး ထပ်မံကြိုးစားရန် သင့်ကို အကြံပြုထားပါသည်။
သင့်ဖုန်းကို ပြန်လည်စတင်ပါ သို့မဟုတ် လေယာဉ်စနစ်ကို ဖွင့်ပြီးနောက် ပိတ်ပါ။
အချို့သော အထူး ကွန်ရက် သီးသန့်စီစဉ်မှုများသည် သင့်ဖုန်းအား အချိန်တိုအတွင်း 4G ကွန်ရက်သို့ ပြန်မပြောင်းနိုင်ခြင်းကို ဖြစ်စေနိုင်ပါသည်။ ဤပြဿနာကို ဖြေရှင်းရန် သင့်ဖုန်းကို ပြန်လည်စတင်နိုင်သည် သို့မဟုတ် လေယာဉ်စနစ်ကို ဖွင့်ပြီးနောက် ပိတ်နိုင်သည်။
APN ကို ပြန်လည်သတ်မှတ်ပြီး ထပ်မံကြိုးစားပါ။
ဆက်တင်ကို ဖွင့်ပါ၊ APNsကို ရှာပြီး မိုဘိုင်းဒေတာ ဆက်တင် မျက်နှာပြင်ကို ဝင်ရောက် သုံးစွဲရန် အင်တာနက် ဝင်ရောက်သုံးစွဲနိုင်သည့် ပွိုင့်အမည်များ (APNs)ကို နှိပ်ပါ၊ ထို့နောက် အင်တာနက် ဝင်ရောက်သုံးစွဲနိုင်သည့် ပွိုင့်အမည်များ (APNs)ကို ထပ်မံ၍ နှိပ်ပါ။ အပေါ်ညာဘက်ထောင့်ရှိ 
ကို နှိပ်ပြီး မူလအတိုင်း ပြန်သတ်မှတ်ရန်ကို ရွေးချယ်ပါ။
ပြဿနာကို ဖြေရှင်းရန် ကွန်ရက် ဆက်တင်ကို ပြန်လည်သတ်မှတ်ပါ။
ပြဿနာ ဆက်ဖြစ်နေပါက ဆက်တင် ကို ဖွင့်၍ ကွန်ရက် ဆက်တင်များအား ပြန်လည်သတ်မှတ်ရန် ကို ရှာဖွေကာ ဝင်ရောက် သုံးစွဲပြီး သင့် SIM ကတ်၏ ကွန်ရက် ဆက်တင်များကို ပြန်လည်သတ်မှတ်ပါ။
(မှတ်ချက်- ၎င်းသည် သင့် Wi-Fi နှင့် ဘလူးတုသ် ချိတ်ဆက်မှု မှတ်တမ်းအားလုံးကို ဖျက်ပစ်လိုက်ပါမည်။ ဤသို့လုပ်ဆောင်ချိန်တွင် အတည်ပြုမှုအတွက် လော့ခ်မျက်နှာပြင် စကားဝှက်ကို လိုအပ်သည်။)
သင့်ဖုန်းကို နောက်ဆုံး ဗားရှင်းသို့ တတ်နိုင်သမျှ အစောဆုံး အပ်ဒိတ်လုပ်ပါ။
သင့်ဖုန်း၏ စနစ် ဗားရှင်းမှာ နောက်ဆုံးပေါ် မဟုတ်ပါက သင့်ဖုန်းကို အင်တာနက်နှင့် ချိတ်ဆက်ထားချိန်တွင် နောက်ဆုံး ဗားရှင်းသို့ အပ်ဒိတ်လုပ်ပါ။
ပြဿနာဆက်ရှိနေသေးပါက အကူအညီရယူရန် သင့်ဒေတာများကို ဘက်ခ်အပ်လုပ်ပြီး သင့်စက်နှင့် ဝယ်ယူမှု သက်သေကို တရားဝင်ခွင့်ပြုချက် ရထားသော Huawei သုံးစွဲသူ ဝန်ဆောင်မှုစင်တာသို့ ယူသွားပါ။
မှတ်ချက်- သင့်တက်ဘလက်သည် SIM ကတ်တစ်ခုတည်းကိုသာ ပံ့ပိုးပြီး 4G SIM နှစ်ကတ်ကို မပံ့ပိုးပါ။