ကျွန်ုပ်၏ HUAWEI ဖုန်းတွင် ဖုန်းခေါ်ဆိုမှုကို ချိတ်ဆက်ရန် အချိန်အတော်ကြာခြင်း
| ကျွန်ုပ်၏ HUAWEI ဖုန်းတွင် ဖုန်းခေါ်ဆိုမှုကို ချိတ်ဆက်ရန် အချိန်အတော်ကြာခြင်း |
ကွန်ရက် ချိတ်ဆက်မှု လိုင်းမကောင်းချိန်တွင် ဖုန်းခေါ်ဆိုမှုကို ချိတ်ဆက်ရန် အချိန်ပိုကြာနိုင်သည်။ အချို့ကိစ္စရပ်များတွင် ဖုန်းခေါ်ဆိုမှုကို လုံးဝ ချိတ်ဆက်ပေးမည်မဟုတ်ပါ။
5G ကွန်ရက်တွင် ဖုန်းခေါ်ဆိုမှုကို ချိတ်ဆက်ရန်အတွက် ကွန်ရက် အရင်းအမြစ်များ ပို၍လိုအပ်သည်။ ရလဒ်အနေဖြင့် လိုင်းမကောင်းသည့်အခါ 5G ကွန်ရက်တွင် ဖုန်းခေါ်ဆိုမှုကို ချိတ်ဆက်ခြင်းသည် 4G ကွန်ရက်တွင် ဖုန်းခေါ်ဆိုမှုကို ချိတ်ဆက်ခြင်းနှင့် နှိုင်းယှဉ်လျှင် ပို၍အချိန်ကြာနိုင်သည်။
သင့်ဖုန်းတွင် အဝင်ခေါ်ဆိုမှု လက်ခံရရှိချိန်တွင် ဖုန်းဖြေခလုတ်ကို ပွတ်ဆွဲပြီးနောက် သို့မဟုတ် နှိပ်ပြီးနောက် ဖုန်းခေါ်ဆိုမှုကို ချက်ချင်း ချိတ်ဆက်၍ မရသည့်အခါ ဖုန်းခေါ်ဆိုမှုကို ချိတ်ဆက်နေကြောင်း ညွှန်ပြသော မက်ဆေ့ချ်ကို ပြသ၍ စက္ကန့်အနည်းငယ်အကြာတွင် ဖုန်းခေါ်ဆိုမှုကို ချိတ်ဆက်ပေးသည်။ အောက်ပါတို့ကို လုပ်ဆောင်ကြည့်ခြင်းဖြင့် ပြဿနာကို ဖြေရှင်းပါ-
သင့်ကွန်ရက် ချိတ်ဆက်မှု လိုင်းကောင်းကြောင်း သေချာပါစေ
- အထပ်မြင့်အဆောက်အအုံများစွာ တစ်ခုနှင့်တစ်ခု နီးကပ်နေသည့် ဧရိယာကဲ့သို့ ပိတ်ကာထားသည့် ပတ်ဝန်းကျင်အချို့တွင် ဖုန်းလိုင်းသည် နှောင့်ယှက်ခံရနိုင်ပြီး အားနည်းနိုင်သည်။
- သင့်ဆက်သွယ်ရေး ကယ်ရီယာ၏ ကွန်ရက်လိုင်းမိသည့် နယ်ပယ်သည် သင်ရောက်ရှိနေသည့်နေရာအပေါ် မူတည်ပြီး ကွဲပြားနိုင်သည်။ အချို့နေရာများတွင် ဆက်သွယ်ရေး ကယ်ရီယာ၏ ကွန်ရက်လိုင်းမိသည့်နယ်ပယ် မလုံလောက်ခြင်းကြောင့် လိုင်းမကောင်းခြင်း ဖြစ်နိုင်သည်။
ဧရိယာအချို့တွင် သင့်ဖုန်းလိုင်းမကောင်းလျှင် သို့မဟုတ် ဆက်သွယ်ရေး ကယ်ရီယာတူသည့် SIM ကတ်များကိုသုံးထားသော အနီးအနားရှိဖုန်းများတွင်လည်း လိုင်းမကောင်းလျှင် ဤဧရိယာရှိ ကွန်ရက်ချိတ်ဆက်မှု လိုင်းမကောင်းခြင်းဖြစ်နိုင်သည်။ ဖုန်းခေါ်ဆိုမှုများကို ချိတ်ဆက်မှု မကြာခဏ နှေးကွေးနေပါက နောက်ထပ် အကူအညီရယူရန်အတွက် သင့်ဆက်သွယ်ရေး ကယ်ရီယာကို ဆက်သွယ်ပါ။
VoLTE HD ဖုန်းခေါ်ဆိုမှု ဝန်ဆောင်မှုတွင် စာရင်းသွင်းပါ
LTE သုံး၍ အသံဖုန်းခေါ်ဆိုမှု (VoLTE) သည် 4G ကွန်ရက်တွင် အသံဖုန်းခေါ်ဆိုမှု ပြုလုပ်နိုင်စေသည်။ VoLTE ကို ဖွင့်ပြီးနောက် ဖုန်းခေါ်ဆိုမှုများကို ပိုမို မြန်ဆန်စွာ ချိတ်ဆက်လာနိုင်သည်။
နောက်ထပ် အကူအညီ ရယူပါ
ပြဿနာ မပြေလည်သေးပါက အကူအညီ ရယူရန်အတွက် Huawei သုံးစွဲသူ ဝန်ဆောင်မှုဌာန ဟော့လိုင်းကို ဆက်သွယ်ပါ သို့မဟုတ် သင့်ဒေတာများကို ဘက်ခ်အပ်လုပ်ပြီး သင့်စက်နှင့်အတူ ဝယ်ယူမှု သက်သေကို တရားဝင်ခွင့်ပြုချက် ရထားသော Huawei သုံးစွဲသူ ဝန်ဆောင်မှုစင်တာသို့ ယူသွားပါ။