ကျွန်ုပ်၏ HUAWEI ဖုန်း/တက်ဘလက်တွင် စပီကာသုံး၍ အသံ သို့မဟုတ် ဗီဒီယို ဖွင့်သောအခါ ဆူညံသံများ ထွက်နေခြင်း

ပြဿနာ-

သုံးစွဲသူက ၎င်း၏ HUAWEI ဖုန်း/တက်ဘလက်တွင် စပီကာသုံး၍ အသံ သို့မဟုတ် ဗီဒီယို ဖွင့်သည့်အခါ ဆူညံသံများ ထွက်နေသည်။

ဖြေရှင်းနည်း-

ဤပြဿနာကို ဖြစ်ပေါ်စေနိုင်သည့် အကြောင်းရင်းအချို့ ရှိသည်။ ပင်မ မျက်နှာပြင်တွင် ကျွန်ုပ်၏ HUAWEI အက်ပ်ကိုဖွင့်ပြီး သင့် HUAWEI ID သို့ ဝင်ရောက်ပါ။ ထို့နောက် ဟာ့ဒ်ဝဲစစ်ဆေးမှုကို အောက်ပါအတိုင်း လုပ်ဆောင်ပါ- အကူအညီ > စမတ် ချို့ယွင်းချက် ရှာဖွေမှု > အခြားဟာ့ဒ်ဝဲပျက်စီးမှု > အသံမထွက်ခြင်း သို့မဟုတ် ဆူညံသံများ > အသံစစ်ဆေးခြင်းသို့ သွားပါ။ ရဆီဗာနှင့် စပီကာကို စမ်းသပ်စစ်ဆေးရန် မျက်နှာပြင်ပေါ်ရှိ လမ်းညွှန်များအတိုင်း လုပ်ဆောင်ပါ။

• ချို့ယွင်းချက်တစ်ခုခုကို တွေ့ရှိပါက အကူအညီရယူရန် သင့်ဒေတာကို ဘက်ခ်အပ်လုပ်ပြီး သင့်စက်နှင့်အတူ ဝယ်ယူမှု သက်သေကို တရားဝင်ခွင့်ပြုချက်ရထားသော Huawei သုံးစွဲသူ ဝန်ဆောင်မှုစင်တာသို့ ယူဆောင်သွားပါ။
• ချို့ယွင်းချက်မတွေ့ပါက သို့မဟုတ် စမ်းသပ်ရန် ပစ္စည်းမရှိပါက သင့်စက်ကို ပါဝါပိတ်ပြီး ပြန်လည်စတင်ကာ ထပ်မံကြိုးစားပါ။ ပြဿနာ ဆက်ရှိနေပါက အောက်ပါနည်းလမ်းများကို စမ်းကြည့်ပါ-

1. ပြန်ဖွင့်မှု ရင်းမြစ်နှင့် အက်ပ်ကို စစ်ဆေးပါ

အခြားအသံ သို့မဟုတ် ဗီဒီယိုဖိုင်များကို ဖွင့်ကြည့်ပြီး ဆူညံသံများ ရှိနေသေးသလား စစ်ဆေးပါ။ မရှိပါက မူရင်းအသံ သို့မဟုတ် ဗီဒီယိုဖိုင်၏ အရည်အသွေး မကောင်းခြင်း ဖြစ်နိုင်ပါသည်။ အခြားရင်းမြစ်များကို ဒေါင်းလုဒ်လုပ်ပြီး ၎င်းတို့ကို ဖွင့်ကြည့်ရန် အကြံပြုပါသည်။ အက်ပ်ကြောင့် ပြဿနာဖြစ်ခြင်းဟုတ်မဟုတ် စစ်ဆေးရန် အခြားတေးဂီတ သို့မဟုတ် ဗီဒီယိုအက်ပ်ကိုလည်း အသုံးပြုနိုင်သည်။

2. နောက်ခံအက်ပ်များကို ပိတ်ပါ သို့မဟုတ် စက်ကို အေးအောင် အနားပေးထားပါ

နောက်ခံတွင် အက်ပ်များစွာကို အချိန်အကြာကြီး ဖွင့်ထားခြင်းသည် စနစ်ရင်းမြစ်များကို သုံးစွဲနိုင်ပြီး ၎င်းသည် စက်ကို ပူစေကာ ပြန်ဖွင့်ခြင်းကို နှေးကွေးစေသည်။ နောက်ခံအက်ပ်များကို ပိတ်ပြီး အပူချိန် ပုံမှန်ပြန်ဖြစ်သည်အထိ စောင့်ပါ။ ထို့နောက် ဆူညံသံများ ပျောက်သွားခြင်း ရှိမရှိ စစ်ဆေးပါ။

3. စနစ်အပ်ဒိတ်များအတွက် စစ်ဆေးပါ

ဆက်တင် > ဆော့ဖ်ဝဲ အပ်ဒိတ်/စနစ် အပ်ဒိတ်သို့ သွား၍ သင့်ဖုန်း/တက်ဘလက်ကို နောက်ဆုံးထွက် စနစ်ဗားရှင်းသို့ အပ်ဒိတ်လုပ်ပြီးနောက်တွင် ပြဿနာပြေလည်သွားခြင်း ရှိမရှိ စစ်ဆေးပါ။

4. အနှောင့်အယှက်များကို ဖယ်ရှားပါ

သံလိုက်စက်ကွင်း အားပြင်းသော ကိရိယာများ (လျှပ်စစ်မီးဖို သို့မဟုတ် မိုက်ခရိုဝေ့ အာဗန်ကဲ့သို့) သည် သင့် HUAWEI ဖုန်း/တက်ဘလက်တွင် ပြန်ဖွင့်ခြင်းကို နှောင့်ယှက်နိုင်ပြီး ဆူညံသံများကို ထွက်ပေါ်စေသည်။ သင့်စက်ကို အနှောင့်အယှက်ဖြစ်စေနိုင်သော ကိရိယာများ သို့မဟုတ် ပတ်ဝန်းကျင်များနှင့် ဝေးရာတွင် ထားပါ။ အခြားတစ်နေရာသို့ ရွှေ့ပြောင်းပြီး ဆူညံသံများ ပျောက်သွားခြင်း ရှိမရှိ စစ်ဆေးရန် ထပ်မံကြိုးစားပါ။

5. စပီကာ ချွတ်ယွင်းချက်ရှိမရှိ စစ်ဆေးပါ

နားကြပ်တပ်ပြီး ထပ်မံကြိုးစားပါ။ ပြန်ဖွင့်ခြင်းသည် ပုံမှန်ဖြစ်ပါက စပီကာ ချွတ်ယွင်းချက်ကြောင့် ဖြစ်နိုင်သည်။ ဤအခြေအနေတွင် သင့်စက်ကို ပြန်လည်စတင်ပါ သို့မဟုတ် အခြားဖိုင်များကို ဖွင့်ပါ။

6. စပီကာ ဖုန်စစ်ထုတ်ကိရိယာ ပိတ်ဆို့နေခြင်း ရှိမရှိ စစ်ဆေးပါ

စပီကာအပေါက်များကို ပိတ်ဆို့မထားမိစေရန် သင့်စက်တွင် ကိုက်ညီသော ဖုန်းကာဗာတပ်ထားကြောင်း သေချာပါစေ။ သင့်စက်သည် ရေ၊ အဖျော်ယမကာ၊ ဆီ၊ ဖုန် သို့မဟုတ် အခြားပစ္စည်းများနှင့် ထိတွေ့မိပါက ၎င်း၏ စစ်ထုတ်ကိရိယာသည် ပိတ်ဆို့သွားနိုင်ပြီး ရေရှည်အသုံးပြုပြီးသည့်နောက် စပီကာအသံ တိုးသွားနိုင်သည်။ စပီကာအပေါက်များထဲရှိ ဖုန်စစ်ထုတ်ကိရိယာကို အရက်ပြန်ဆွတ်ထားသည့် သွားတိုက်တံ သို့မဟုတ် ဘရက်ရှ်အနု အသုံးပြု၍ ညင်သာစွာ သန့်ရှင်းပြီးနောက် ပြန်ဖွင့်ခြင်း ပုံမှန်ဖြစ်မဖြစ် စစ်ဆေးပါ။

• သေချာနှံ့စပ်အောင် သန့်ရှင်းရန်အတွက် သင့်စက်ကို တရားဝင်ခွင့်ပြုချက်ရထားသော Huawei သုံးစွဲသူ ဝန်ဆောင်မှုစင်တာသို့ ယူသွားပါ။

ပြဿနာဆက်ရှိနေပါက အကူအညီရယူရန်အတွက် သင့်ဒေတာများကို ဘက်ခ်အပ်လုပ်ပြီး သင့်စက်နှင့်အတူ ဝယ်ယူမှု သက်သေကို တရားဝင် ခွင့်ပြုချက်ရထားသော Huawei သုံးစွဲသူ ဝန်ဆောင်မှုစင်တာသို့ ယူသွားပါ။