ကျွန်ုပ်၏ HUAWEI ဖုန်း/တက်ဘလက်ထဲသို့ အရည်များမဝင်စေရန် ဘယ်လို တားဆီးရမလဲ

ရေစိုခံဖုန်းများ/တက်ဘလက်များသည် ရာသက်ပန် ရေစိုခံနိုင်စွမ်း မရှိဘဲ နေ့စဉ် အသုံးပြုရင်း ယိုယွင်းလာပါမည်။ သို့ဖြစ်၍ သင့်ဖုန်း/တက်ဘလက်ကို အရည်များနှင့်ဝေးရာတွင် အတတ်နိုင်ဆုံး ထားရှိရန် အကြံပြုပါသည်။

သင့်ဖုန်းထဲသို့ အရည်များ မဝင်စေရန် အောက်ပါတို့ကို ရှောင်ကြဉ်သင့်သည်-

1. သင့်ဖုန်းကို အရည်များနှင့် ထိတွေ့အောင် ထားခြင်း။
2. ချွေးထုတ်ခန်းကဲ့သို့ ပူအိုက် စိုစွတ်သော ပတ်ဝန်းကျင်တွင် သင့် HUAWEI ဖုန်း/တက်ဘလက်ကို အသုံးပြုခြင်း။
3. သင့်ဖုန်း၏ အပေါက်ထဲတွင် အရည်ရှိနေချိန်၌ သင့်ဖုန်းနှင့် စက်တစ်ခုခုကို ကြိုးဖြင့် ချိတ်ဆက်ခြင်း သို့မဟုတ် သင့်ဖုန်းကို အားသွင်းခြင်း။

သင့် HUAWEI ဖုန်း/တက်ဘလက်ထဲသို့ အရည်ဝင်ရောက်လျှင် နောက်ထပ် ထိခိုက်ပျက်စီးမှု မဖြစ်စေရန် အောက်ပါတို့ကို လုပ်ဆောင်ပါ-

1. HUAWEI ဖုန်း/တက်ဘလက်ကို ခြောက်သွေ့ပြီး လေဝင်လေထွက်ကောင်းသော ပတ်ဝန်းကျင်တွင်ထားကာ မျက်နှာပြင်ကို တစ်ရှူးစက္ကူဖြင့် ခြောက်အောင်သုတ်ပါ။
2. သင့် HUAWEI ဖုန်း/တက်ဘလက်ကို ပါဝါဖွင့်ထားပါက ပါဝါပိတ်ရန် ပါဝါခလုတ်ကို နှိပ်ပါ။ သင့်ဖုန်း/တက်ဘလက်ကို ပါဝါပိတ်ထားပါက ပါဝါမဖွင့်ပါနှင့်။
3. SIM ကတ်နှင့် မမ်မိုရီကတ်ကို ဖြုတ်ပါ။
4. အကူအညီ ရယူရန် သင့်စက်နှင့်အတူ ဝယ်ယူမှု သက်သေကို တရားဝင်ခွင့်ပြုချက် ရထားသော Huawei သုံးစွဲသူ ဝန်ဆောင်မှုစင်တာသို့ ယူသွားပါ။