မျက်နှာပြင် ပိုင်းခြားမှုစနစ်ကို ဖွင့်ခြင်း

Multi-Window ကို သုံးပြီး အက်ပ်တစ်ခုမှ တစ်ခုသို့ ဆွဲယူထည့်ခြင်း

ပုံများ၊ စာသားနှင့် စာရွက်စာတမ်းများကို အက်ပ်တစ်ခုမှ တစ်ခုသို့ အလွယ်တကူ ဆွဲယူထည့်ရန် Multi-Window လုပ်ဆောင်ချက်ကို အသုံးပြုပါ။

• ပုံတစ်ပုံကို ဆွဲယူထည့်ခြင်း- မှတ်စုစာအုပ် ဖြင့် မှတ်စုများ ရေးသားသည့်အခါ Files ကို ဖွင့်ပြီး သင် ထည့်လိုသည့် ဓာတ်ပုံကို ရွေးချယ်ကာ ၎င်းကို မှတ်စုစာအုပ် တည်းဖြတ်စနစ်ထဲ ဆွဲရွှေ့ပါ။

• စာသားကို ဆွဲယူထည့်ခြင်း- SMS မက်ဆေ့ချ်ပေးပို့သည့်အခါ မှတ်စုစာအုပ် ကို ဖွင့်ပြီး သင် ပို့လိုသည့် စာသားကို ဖိ၍ နှိပ်ထားပြီးနောက် မက်ဆေ့ချ် စာသား ထည့်သည့် အကွက်ထဲသို့ ၎င်းကို ဆွဲရွှေ့ပါ။

• စာရွက်စာတမ်းတစ်ခုကို ဆွဲယူထည့်ခြင်း- အီးမေးလ် တစ်စောင် ရေးသားသည့်အခါ Files ကို ဖွင့်ပြီး သင် ပူးတွဲလိုသည့် စာရွက်စာတမ်းကို ရွေးချယ်ကာ အီးမေးလ် တည်းဖြတ်စနစ်ထဲ ၎င်းကို ဆွဲရွှေ့ပါ။

အက်ပ် အားလုံးတွင် Multi-Window ဖြင့် ဆွဲယူထည့်ခြင်းကို အပြည့်အဝ ပံ့ပိုးဆောင်ရွက်မပေးနိုင်ပါ။

အက်ပ်တစ်ခုကို Multi-Window Dock သို့ ထည့်ခြင်း၊ ရွှေ့ခြင်း သို့မဟုတ် ၎င်းမှ ဖယ်ရှားခြင်း

• အက်ပ်တစ်ခု ထည့်ခြင်း- Multi-Window Dock တွင် ကို နှိပ်ပြီး သင် ထည့်လိုသော အက်ပ်ကို နှိပ်ပါ၊ ပြီးနောက် လုပ်ဆောင်ပြီး ကို နှိပ်ပါ။

• အက်ပ်တစ်ခုကို ရွှေ့ခြင်း- Multi-Window Dock တွင် ကို နှိပ်ပြီး အသုံးပြုချင်သည့် အက်ပ်ကို အကွက်ထဲရှိ မည်သည့်နေရာသို့မဆို ဆွဲရွှေ့ပြီးနောက် လုပ်ဆောင်ပြီး ကို နှိပ်ပါ။

• အက်ပ်တစ်ခုကို ဖယ်ရှားခြင်း- Multi-Window Dock တွင် ကို နှိပ်ပြီး သင် ဖယ်ရှားလိုသည့် အက်ပ် အိုင်ကွန်၏ အပေါ် ညာဘက်ထောင့်ရှိ ကို နှိပ်ပြီးနောက် လုပ်ဆောင်ပြီး ကို နှိပ်ပါ။

မျက်နှာပြင် ပိုင်းခြားမှုနှင့် Floating ဝင်းဒိုးအကြား ကူးပြောင်းခြင်း

• မျက်နှာပြင် ပိုင်းခြားမှု စနစ်မှ Floating ဝင်းဒိုးသို့ ပြောင်းခြင်း- မျက်နှာပြင် ပိုင်းခြားမှု အကန့်၏ ထိပ်ရှိ ဘားတန်းကို ဖိ၍ နှိပ်ထားပြီးနောက် ထောင်လိုက် စနစ်တွင် ရှိနေသည်ဆိုလျှင် မျက်နှာပြင်၏ ဘယ်/ညာဘက်သို့ သို့မဟုတ် အလျားလိုက် စနစ်တွင် ရှိနေသည်ဆိုလျှင် အောက်ဘက် အစွန်းသို့ ၎င်းကို ဆွဲရွှေ့ပါ။

• Floating ဝင်းဒိုးမှ မျက်နှာပြင် ပိုင်းခြားမှု စနစ်သို့ ပြောင်းခြင်း- Floating ဝင်းဒိုး၏ ထိပ်ဆုံးရှိ ဘားကို ဖိ၍ နှိပ်ထားပြီးနောက် ထောင်လိုက် စနစ်တွင် ရှိနေသည်ဆိုလျှင် မျက်နှာပြင်၏ အပေါ်ပိုင်း/အောက်ပိုင်းသို့ ၎င်းကို ဆွဲရွှေ့ပါ သို့မဟုတ် အလျားလိုက် စနစ်တွင် ရှိနေသည်ဆိုလျှင် ဘယ် သို့မဟုတ် ညာသို့ ဆွဲရွှေ့ပါ။

အက်ပ်တစ်ခုအတွက် Multi-Window မြင်ကွင်း

(အီးမေးလ်နှင့် မှတ်စုစာအုပ်ကဲ့သို့) အက်ပ်တစ်ခုတည်းအတွက် လုပ်ဆောင်ချက် ဝင်းဒိုးနှစ်ခုကို ဖန်တီးနိုင်ပြီး ၎င်းတို့ကြားတွင် ရုပ်ပုံများ၊ စာသား သို့မဟုတ် စာရွက်စာတမ်းများကို ဆွဲရွှေ့နိုင်ပါသည်။

ဤလုပ်ဆောင်ချက်ကို အက်ပ်အချို့တွင် မရနိုင်ပါ။

1. အက်ပ်တစ်ခုအတွင်း မျက်နှာပြင် ပိုင်းခြားမှု မြင်ကွင်းထဲသို့ ဝင်ရောက်ပါ။

   • အီးမေးလ် အက်ပ်ကို ဖွင့်ပါ။

   • Multi-Window Dock ပေါ်လာစေရန် သင့်စက်၏ ဘယ် သို့မဟုတ် ညာဘက်အစွန်းမှနေ၍ အတွင်းသို့ ပွတ်ဆွဲပြီး ဖိထားပါ။

   • အီးမေးလ် အိုင်ကွန်ကို ဖိ၍ နှိပ်ထားပြီး မျက်နှာပြင် ပိုင်းခြားမှု မြင်ကွင်းထဲသို့ ဝင်ရောက်ရန် ၎င်းကို မျက်နှာပြင်ဆီသို့ ဆွဲရွှေ့ပါ။

2. မျက်နှာပြင် ပိုင်းခြားမှု ဝင်းဒိုး တစ်ခုနှင့်တစ်ခုကြား ရုပ်ပုံများ၊ စာသား သို့မဟုတ် စာရွက်စာတမ်းများကို ဆွဲရွှေ့ပါ။

   • ရုပ်ပုံကို ဆွဲရွှေ့ခြင်း- မျက်နှာပြင် ပိုင်းခြားမှု ဝင်းဒိုးတစ်ခုမှ ရုပ်ပုံတစ်ပုံကို ရွေးချယ်ပြီး ၎င်းကို အခြားဝင်းဒိုးဆီသို့ ဆွဲရွှေ့ပါ။

   • စာသားကို ဆွဲရွှေ့ခြင်း- စာသားကို ဖိ၍ နှိပ်ထားပြီး မျက်နှာပြင် ပိုင်းခြားမှု ဝင်းဒိုးတစ်ခုမှ နှစ်သက်သော အပိုင်းကို ရွေးချယ်ပြီးလျှင် စာသားကို ထပ်မံဖိ၍ နှိပ်ထားပြီး ၎င်းကို အခြားဝင်းဒိုးဆီသို့ ဆွဲရွှေ့ပါ။

   • စာရွက်စာတမ်းကို ဆွဲရွှေ့ခြင်း- မျက်နှာပြင် ပိုင်းခြားမှု ဝင်းဒိုးတစ်ခုမှ စာရွက်စာတမ်းတစ်ခုကို ရွေးချယ်ပြီး ၎င်းကို အခြားဝင်းဒိုးဆီသို့ ဆွဲရွှေ့ပါ။

Multi-Window ကို ပိတ်ခြင်း

ပုံသေအားဖြင့် Multi-Window ကို ဖွင့်ထားသည်။ ၎င်းကို ပိတ်ရန် ဆက်တင် > အထောက်အကူပြု လုပ်ဆောင်ချက်များ > Multi-Window သို့ သွားပြီးလျှင် Multi-Window Dock ကို ပိတ်ပါ။