အဖြစ်များသည့် ပြဿနာ

ရေပန်းစားသော မေးလေ့ရှိသည့် မေးခွန်းများ

1. ကျွန်ုပ်၏ အကောင့် စကားဝှက်ကို မေ့သွားလျှင် ဘာလုပ်ရမလဲ
2. ကျွန်ုပ်၏အကောင့်ကို ဖုန်းနံပါတ်/အီးမေးလ် လိပ်စာ/ပြင်ပ အဖွဲ့အစည်း အကောင့် တစ်ခုနှင့် ချိတ်ထားပါက ဘာလုပ်ရမလဲ
3. အကောင့်ပြောင်းရန် တောင်းဆိုချက် (သင့်ဖုန်းနံပါတ် သို့မဟုတ် အီးမေးလ် လိပ်စာကို အသုံးမပြုတော့လျှင် သက်ဆိုင်သည်)
4. အကောင့်တစ်ခုထဲ ဝင်ရောက်ပုံ
5. ကျွန်ုပ်၏အကောင့်နှင့် ချိတ်ထားသည့် ကျွန်ုပ်၏ဖုန်းနံပါတ်/အီးမေးလ် လိပ်စာသို့ ပေးပို့လိုက်သည့် အတည်ပြု ကုဒ်ကို မရရှိပါ

• ကျွန်ုပ်၏အကောင့်ကို မေ့သွားပါက ဘာလုပ်ရမလဲ

1. အများအားဖြင့် အကောင့်တစ်ခုကို ဖုန်းနံပါတ် သို့မဟုတ် အီးမေးလ် လိပ်စာတစ်ခုဖြင့် စာရင်းသွင်းပါသည်။

   က။ ဝင်ရောက်မှု မျက်နှာပြင်ရှိ စကားဝှက် မေ့နေပါသလား။ ကို နှိပ်၍ သင် စာရင်းသွင်းထားပြီးသား ဖြစ်နိုင်သည့် အကောင့်တစ်ခုကို ရိုက်ထည့်ကြည့်ပါ။

   ခ။ "အေကာင့္အခ်က္အလက္က ႐ွိမေနပါ။" မက်ဆေ့ချ်ကို ပြသပါက သင် ရိုက်ထည့်လိုက်သည့် အကောင့်ကို စာရင်းမသွင်းရသေးပါ။ သတ်မှတ်အကောင့် ရှိနေပါက စကားဝှက်ကို ပြန်လည်သတ်မှတ်ရန် မျက်နှာပြင်ပေါ်ရှိ လမ်းညွှန်များအတိုင်း လုပ်ဆောင်ပါ။

2. သင့်အကောင့်ကို ရှာမတွေ့သေးပါက နောက်ထပ် အတည်ပြုရန်အတွက် ပြင်ပ အဖွဲ့အစည်း အကောင့် (Facebook၊ Twitter သို့မဟုတ် Google) ဖြင့် ဝင်ရောက်ကြည့်ပါ။

• ကျွန်ုပ်၏ အကောင့် စကားဝှက်ကို မေ့သွားလျှင် ဘာလုပ်ရမလဲ

1. သင့်အကောင့်နှင့် ချိတ်ထားသည့် ဖုန်းနံပါတ် သို့မဟုတ် အီးမေးလ် လိပ်စာကို အသုံးပြုနေဆဲဖြစ်လျှင်-

   1) သင့်စကားဝှက်ကို ပြန်လည်သတ်မှတ်ရန် စကားဝှက် ပြန်လည်သတ်မှတ်မှုသို့ သွားပါ။

   2) အခြားတစ်နည်းအားဖြင့် သင်သည် သင့်ဖုန်းတွင် စကားဝှက်ကို ပြန်လည်သတ်မှတ်နိုင်ပါသည်-

   က။ စက်တွင် သင့်အကောင့်ထဲ ဝင်ရောက်မထားပါက အကောင့် ဝင်ရောက်မှု မျက်နှာပြင်သို့ သွားပြီး စကားဝှက် မေ့နေပါသလား။ ကို နှိပ်ပါ။

   ခ။ စက်တွင် သင့်အကောင့်ထဲ ဝင်ရောက်ထားပါက အကောင့်စင်တာ > အကောင့်နှင့် လုံခြုံရေး > လုံခြုံရေး စင်တာ > စကားဝှက် မေ့နေပါသလား။ သို့ သွားပါ။

2. သင့်အကောင့်နှင့် ချိတ်ထားသည့် ဖုန်းနံပါတ် သို့မဟုတ် အီးမေးလ် လိပ်စာကို အသုံးမပြုတော့လျှင်-

   ဖုန်းနံပါတ် သို့မဟုတ် အီးမေးလ် လိပ်စာ အသစ်တစ်ခုနှင့် ချိတ်ပြီးနောက် စကားဝှက်ကို ပြန်လည်သတ်မှတ်ရန်အတွက် အကောင့် ပြောင်းရန် တောင်းဆိုချက်တစ်ခုကို ပေးပို့ရမည်ဖြစ်သည်။

1. ဖုန်းနံပါတ် သို့မဟုတ် အီးမေးလ် လိပ်စာတစ်ခုနှင့် ချိတ်ရန်။

   အကောင့်စင်တာ > အကောင့်နှင့် လုံခြုံရေး > ဖုန်း/အီးမေးလ် သို့ သွားပြီး လုပ်ဆောင်ချက်ပြီးမြောက်ရန် မျက်နှာပြင်ပေါ်ရှိ လမ်းညွှန်များအတိုင်း လုပ်ဆောင်ပါ။

2. လုံခြုံရေး ဖုန်းနံပါတ် သို့မဟုတ် အီးမေးလ် လိပ်စာနှင့် ချိတ်ရန်။

   အကောင့်စင်တာ > အကောင့်နှင့် လုံခြုံရေး > လုံခြုံရေး ဖုန်းနံပါတ်နှင့် အီးမေးလ် > လုံခြုံရေး ဖုန်းနံပါတ်/လုံခြုံရေးအီးမေးလ် သို့ သွားပြီး လုပ်ဆောင်ချက်ပြီးမြောက်ရန် မျက်နှာပြင်ပေါ်ရှိ လမ်းညွှန်များအတိုင်း လုပ်ဆောင်ပါ။

3. ပြင်ပ အဖွဲ့အစည်း အကောင့်တစ်ခု (Facebook၊ Twitter သို့မဟုတ် Google) နှင့် ချိတ်ရန်။

   အကောင့်စင်တာ > အကောင့်နှင့် လုံခြုံရေး > ပြင်ပ အဖွဲ့အစည်း အကောင့်များ > Facebook/Twitter/Google သို့ သွားပြီး လုပ်ဆောင်ချက်ပြီးမြောက်ရန် မျက်နှာပြင်ပေါ်ရှိ လမ်းညွှန်များအတိုင်း လုပ်ဆောင်ပါ။

• ကျွန်ုပ်၏အကောင့်ကို ဖုန်းနံပါတ်/အီးမေးလ် လိပ်စာ/ပြင်ပ အဖွဲ့အစည်း အကောင့် တစ်ခုနှင့် ချိတ်ထားပါက ဘာလုပ်ရမလဲ

1. ချိတ်ထားသော အကောင့်ထဲ ဝင်ရောက်ရန် ဖုန်းနံပါတ်၊ အီးမေးလ် လိပ်စာ သို့မဟုတ် ပြင်ပ အဖွဲ့အစည်း အကောင့် (Facebook၊ Twitter သို့မဟုတ် Google) ကို အသုံးပြုပါ။
2. ထိုအကောင့်ကို ဖျက်ပါ။ အခြားတစ်နည်းအားဖြင့် ဖုန်းနံပါတ်၊ အီးမေးလ် လိပ်စာ သို့မဟုတ် ပြင်ပ အဖွဲ့အစည်း အကောင့်ကို ချိတ်ဆက်ထားမှုမှ ဖြုတ်ပါ သို့မဟုတ် ပြောင်းပါ။
   • အကောင့်တစ်ခုကို ဖျက်ရန် အကောင့်စင်တာ > ကိုယ်ရေးအချက်အလက် စင်တာ > အကောင့် ဖျက်ခြင်း သို့ သွားပါ။ (ဖျက်ပြီးသည့် အကောင့်များကို ပြန်လည်ရယူနိုင်မည်မဟုတ်ဘဲ အကောင့်တစ်ခုကို ဖျက်လိုက်ပါက သက်ဆိုင်ရာ ဒေတာအားလုံးကိုလည်း အပြီးတိုင် ဖျက်လိုက်မည်ဖြစ်ကြောင်း သတိပြုပါ။)
   • ဖုန်းနံပါတ်၊ အီးမေးလ် လိပ်စာ သို့မဟုတ် ပြင်ပ အဖွဲ့အစည်း အကောင့်ကို ချိတ်ဆက်ထားမှုမှ ဖြုတ်ရန် သို့မဟုတ် ပြောင်းရန် အကောင့်စင်တာ > အကောင့်နှင့် လုံခြုံရေး > ဖုန်း/အီးမေးလ်/ပြင်ပ အဖွဲ့အစည်း အကောင့်များချိတ်ဆက်ထားမှုမှ ဖြုတ်ရန်/ပြောင်းမည် သို့ သွားပါ။
3. သင်၏လက်ရှိအကောင့်ထဲ ဝင်ရောက်ပြီး ထိုအကောင့်ကို သင့်ဖုန်းနံပါတ်၊ အီးမေးလ် လိပ်စာ သို့မဟုတ် ပြင်ပ အဖွဲ့အစည်း အကောင့်နှင့် ချိတ်ပါ။

• ကျွန်ုပ်၏အကောင့်နှင့် ချိတ်ထားသည့် ဖုန်းနံပါတ်/အီးမေးလ် လိပ်စာ၊ လုံခြုံရေး ဖုန်းနံပါတ်/အီးမေးလ် လိပ်စာ သို့မဟုတ် ပြင်ပ အဖွဲ့အစည်း အကောင့်ကို ဘယ်လို ချိတ်ဆက်ထားမှုမှ ဖြုတ်ရမလဲ သို့မဟုတ် ပြောင်းရမလဲ

1. ဖုန်းနံပါတ် သို့မဟုတ် အီးမေးလ် လိပ်စာကို ချိတ်ဆက်ထားမှုမှ ဖြုတ်ရန် သို့မဟုတ် ပြောင်းရန်။

   အကောင့်စင်တာ > အကောင့်နှင့် လုံခြုံရေး > ဖုန်း/အီးမေးလ်ချိတ်ဆက်ထားမှုမှ ဖြုတ်ရန်/ပြောင်းမည် သို့ သွားပြီး လုပ်ဆောင်ချက်ပြီးမြောက်ရန် မျက်နှာပြင်ပေါ်ရှိ လမ်းညွှန်များအတိုင်း လုပ်ဆောင်ပါ။

   အကြံပြုချက်များ- သင်သည် သင့်အကောင့်အတွက် ချိတ်ထားသည့် ဖုန်းနံပါတ်ကို ပြောင်းရုံသာပြောင်းနိုင်ပြီး ချိတ်ဆက်ထားမှုမှ ဖြုတ်၍မရပါ။

2. လုံခြုံရေး ဖုန်းနံပါတ် သို့မဟုတ် အီးမေးလ် လိပ်စာကို ချိတ်ဆက်ထားမှုမှ ဖြုတ်ရန် သို့မဟုတ် ပြောင်းရန်။

   အကောင့်စင်တာ > အကောင့်နှင့် လုံခြုံရေး > လုံခြုံရေး ဖုန်းနံပါတ်နှင့် အီးမေးလ် > လုံခြုံရေး ဖုန်းနံပါတ်/လုံခြုံရေးအီးမေးလ်ချိတ်ဆက်ထားမှုမှ ဖြုတ်ရန်/ပြောင်းမည် သို့ သွားပြီး လုပ်ဆောင်ချက်ပြီးမြောက်ရန် မျက်နှာပြင်ပေါ်ရှိ လမ်းညွှန်များအတိုင်း လုပ်ဆောင်ပါ။

   အကြံပြုချက်များ- လုံခြုံရေးအီးမေးလ် ကို ချိတ်ထားသည့် အချိန်မှသာ လုံခြုံရေး ဖုန်းနံပါတ် ကို ချိတ်ဆက်ထားမှုမှ ဖြုတ်နိုင်သည်။ သို့မဟုတ်လျှင် သင်သည် လုံခြုံရေး ဖုန်းနံပါတ် ကို ပြောင်းရုံသာ ပြောင်းနိုင်သည်။

3. ပြင်ပ အဖွဲ့အစည်း အကောင့်တစ်ခု (Facebook၊ Twitter သို့မဟုတ် Google) နှင့် ချိတ်ဆက်ထားမှုမှ ဖြုတ်ရန်။

   အကောင့်စင်တာ > အကောင့်နှင့် လုံခြုံရေး > ပြင်ပ အဖွဲ့အစည်း အကောင့်များ > Facebook/Twitter/Google > ချိတ်ဆက်ထားမှုမှ ဖြုတ်ရန် သို့ သွားပြီး လုပ်ဆောင်ချက်ပြီးမြောက်ရန် မျက်နှာပြင်ပေါ်ရှိ လမ်းညွှန်များအတိုင်း လုပ်ဆောင်ပါ။

• အကောင့်ပြောင်းလဲပေးရန် တောင်းဆိုချက် (သင့်ဖုန်းနံပါတ် သို့မဟုတ် အီးမေးလ် လိပ်စာကို အသုံးမပြုတော့ပါက သက်ဆိုင်သည်)

ချိတ်ထားသည့် ဖုန်းနံပါတ် သို့မဟုတ် အီးမေးလ် လိပ်စာကို အသုံးမပြုတော့ပါက သင်သည် ၎င်းတို့ကို ပြောင်းနိုင်ရန် အကောင့်ပြောင်းလဲပေးရန် တောင်းဆိုချက် တစ်ခု ပေးပို့ရမည်။

မှတ်ချက်- သင် မကြာခဏအသုံးပြုလေ့ရှိသော စက် သို့မဟုတ် ဘရောက်ဇာမှ တောင်းဆိုချက်ကို ပေးပို့လျှင် တောင်းဆိုချက် အောင်မြင်နိုင်ခြေ ပိုများသည်။

1. သင် မကြာခဏအသုံးပြုလေ့ရှိသော စက်တွင် အကောင့်ပြောင်းလဲပေးရန် တောင်းဆိုချက် ကို ပေးပို့ရန် အောက်ပါတို့ကို လုပ်ဆောင်ပါ-

• စက်တွင် သင့်အကောင့်ထဲ ဝင်ရောက်ထားပါကအကောင့်စင်တာ > အကောင့်နှင့် လုံခြုံရေး > လုံခြုံရေး စင်တာ > အကောင့်ပြောင်းလဲပေးရန် တောင်းဆိုချက် > စမည် သို့ သွားပါ။
• စက်တွင် သင့်အကောင့်ထဲ ဝင်ရောက်မထားပါက အကောင့် ဝင်ရောက်မှု မျက်နှာပြင်သို့ သွားပြီး ပြဿနာများအား ရီပို့(တ်)လုပ်ရန် > အကောင့်ပြောင်းလဲပေးရန် တောင်းဆိုချက် > စမည် သို့ သွားပါ။

2. သင် မကြာခဏအသုံးပြုလေ့ရှိသော ဘရောက်ဇာတွင် အကောင့်ပြောင်းရန် တောင်းဆိုချက်သို့ သွား၍လည်း တောင်းဆိုချက်တစ်ခု ပေးပို့နိုင်သည်။

အကြံပြုချက်များ-

1. အကောင့်ပြောင်းရန် တောင်းဆိုသည့် နံပါတ်ကို စစ်ဆေးရန်-

အကောင့်ပြောင်းရန် တောင်းဆိုချက်ကို ပေးပို့ပြီးပါက အမှတ်စဉ်နံပါတ်ကို အလိုအလျောက်ထုတ်ပေးပြီး သင်၏ ဖုန်းနံပါတ်အသစ် သို့မဟုတ် အီးမေးလ် လိပ်စာအသစ်သို့ ပေးပို့ပါမည်။

2. အကောင့်ပြောင်းရန် တောင်းဆိုချက် တိုးတက်မှုအခြေအနေကို စစ်ဆေးရန်-

စက်တွင် သင့်အကောင့်ထဲ ဝင်ရောက်ထားပါကအကောင့်စင်တာ > အကောင့်နှင့် လုံခြုံရေး > လုံခြုံရေး စင်တာ > အကောင့်ပြောင်းလဲပေးရန် တောင်းဆိုချက် > အခြေအနေအား စစ်ဆေးမည် သို့ သွားပါ။

စက်တွင် သင့်အကောင့်ထဲ ဝင်ရောက်မထားပါက အကောင့် ဝင်ရောက်မှု မျက်နှာပြင်သို့ သွားပြီး ပြဿနာများအား ရီပို့(တ်)လုပ်ရန် > အကောင့်ပြောင်းလဲပေးရန် တောင်းဆိုချက် > အခြေအနေအား စစ်ဆေးမည် သို့ သွားပါ။

3. အကောင့်ပြောင်းရန် တောင်းဆိုချက်ကာလ-

သင့်အကောင့်တွင် သင်၏ပုဂ္ဂိုလ်ရေး အချက်အလက်များ ပါဝင်သည်။ သင့်အကောင့်လုံခြုံရေးကို ကာကွယ်ရန် ကျွန်ုပ်တို့သည် အကောင့်ပြောင်းရန် တောင်းဆိုချက်တစ်ခုစီကို စိစစ်၍ စစ်မှန်ကြောင်း အတည်ပြုပါမည်။ သင် ပေးပို့လိုက်သော အချက်အလက်၏ ယုံကြည်စိတ်ချရမှုနှင့် တိကျမှန်ကန်မှုအပေါ် မူတည်၍ သင့် တောင်းဆိုချက်ကို လက်ခံလိုက်ခြင်း ရှိ၊ မရှိဟူသော ရလဒ်ကို 1 ရက် မှ 3 ရက်အတွင်း SMS မှတစ်ဆင့် သင့်ဖုန်းသို့ဖြစ်စေ၊ သင့်အီးမေးလ် လိပ်စာသို့ဖြစ်စေ ပေးပို့ပါမည်။

• အကောင့် ယာယီ ရပ်တန့်ပုံ

သင့်အကောင့်ထဲ ဝင်ရောက်ထားသည့် စက်တစ်လုံးတွင် အကောင့်စင်တာ > အကောင့်နှင့် လုံခြုံရေး > လုံခြုံရေး စင်တာ > အကောင့်အား ပိတ်ရန် > ပိတ်မည် သို့ သွားပြီး မျက်နှာပြင်ပေါ်ရှိ လမ်းညွှန်များအတိုင်း လုပ်ဆောင်ပါ။

(အကောင့်ထဲ ဝင်ရောက်မထားပါက ထိုသို့မလုပ်ဆောင်ဘဲ ပြဿနာများအား ရီပို့(တ်)လုပ်ရန် > အကောင့်အား ပိတ်ရန် > ပိတ်မည် သို့ သွားပါ။)

• အကောင့် ယာယီ ရပ်တန့်ခြင်းကို ပယ်ဖျက်ပုံ

သင့်အကောင့်ထဲ ဝင်ရောက်ထားသည့် စက်တစ်လုံးတွင် အကောင့်စင်တာ > အကောင့်နှင့် လုံခြုံရေး > လုံခြုံရေး စင်တာ > အကောင့်အား ပိတ်ရန် > ပြန်ဖွင့်ရန် သို့ သွားပြီး မျက်နှာပြင်ပေါ်ရှိ လမ်းညွှန်များအတိုင်း လုပ်ဆောင်ပါ။

(အကောင့်ထဲ ဝင်ရောက်မထားပါက ထိုသို့မလုပ်ဆောင်ဘဲ ပြဿနာများအား ရီပို့(တ်)လုပ်ရန် > အကောင့်အား ပိတ်ရန် > ပြန်ဖွင့်ရန် သို့ သွားပါ။)

• အကောင့်တစ်ခုကို စာရင်းသွင်းပုံ

သင့်ဖုန်းရှိ အကောင့် ဝင်ရောက်မှု မျက်နှာပြင်သို့ ဝင်ရောက် သုံးစွဲပြီး စာရင်းသွင်းမည် ကို နှိပ်ပါ၊ အကောင့်ကို စာရင်းသွင်းထားသည့် နိုင်ငံ/ဒေသကို ရွေးချယ်ပြီး စာရင်းသွင်းမှု ပြီးမြောက်စေရန် မျက်နှာပြင်ပေါ်ရှိ လမ်းညွှန်များအတိုင်း လုပ်ဆောင်ပါ။

မှတ်ချက်-

1. အကောင့်ကို စာရင်းသွင်းထားသည့် နိုင်ငံ/ဒေသကို ပြင်ဆင်ခွင့်မပြုပါ။ နိုင်ငံ/ဒေသအား ရွေးချယ်ပါ အတွက် မှန်ကန်သော တန်ဖိုးကို ရွေးချယ်ထားကြောင်း သေချာပါစေ။
2. ဝန်ဆောင်မှုပေးသည့် ဒေသကို ပြောင်းရန် AppGallery > ကျွနု်ပ် > ဆက်တင် > နိုင်ငံ/ဒေသ သို့ သွားနိုင်သည်။
3. အကောင့်တစ်ခုကို စာရင်းသွင်းရန် သင့်အီးမေးလ် လိပ်စာကို အသုံးပြုထားပါက သက်ဝင်လုပ်ဆောင်မှုစာတစ်စောင်ကို သင့်အီးမေးလ် လိပ်စာသို့ ပေးပို့ပါမည်။ သက်ဝင်လုပ်ဆောင်မှုစာရှိ URL ကို ကလစ်နှိပ်ပြီး 3 ရက်အတွင်း သင်၏ စာရင်းသွင်းမှုကို မှန်ကန်ကြောင်းစစ်ဆေး အတည်ပြုရန်လိုပါသည်။ သို့မဟုတ်ပါက ပြန်လည်စတင် စာရင်းသွင်းရန် လိုပါမည်။
4. သင့်အကောင့်ကို စာရင်းသွင်းပြီးနောက် ကလောက်ဒ်၊ AppGallery နှင့် အခြားဝန်ဆောင်မှုများသို့ ဝင်ရောက် သုံးစွဲခွင့်ကို ရနိုင်ပါမည်။

• အကောင့်တစ်ခုကို ဖျက်ပုံ/စာရင်းသွင်းမှုမှ ပယ်ဖျက်ပုံ

အကြံပြုချက်များ- သင့်အကောင့်ကို ဖျက်ပြီးသွားသည်နှင့် ဝန်ဆောင်မှုများ (ကလောက်ဒ် နှင့် AppGallery ကဲ့သို့)၊ ပြင်ပအဖွဲ့အစည်း အက်ပ်များ သို့မဟုတ် ဂိမ်းများကို ဝင်ရောက် သုံးစွဲရန် ဤအကောင့်ကို သုံးနိုင်တော့မည်မဟုတ်ပါ။ သင့်ကိုယ်ရေး အချက်အလက်များ၊ အပ်လုဒ်လုပ်ထားသည့် ဖိုင်များ၊ ငွေအလွှဲအပြောင်း မှတ်တမ်းနှင့် စက်တွင်း ကမ်းလှမ်းမှုများ (အကြောင်းအရာ၊ ဝန်ဆောင်မှုများ၊ ကူပွန်များ/လက်မှတ်များနှင့် အသုံးအဆောင် ပစ္စည်းများ) အပါအဝင် ကန့်သတ်မထားဘဲ သင်၏ ဆက်စပ်နေသော ကိုယ်ရေး ဒေတာအားလုံးကို ဖျက်မည်ဖြစ်ပြီး ပြန်လည်ရယူနိုင်မည် မဟုတ်ပါ။ သင့်အကောင့်ကို ဖျက်သောအခါ သတိထားပါ။

သင့်အကောင့်ထဲ ဝင်ရောက်ထားသည့် စက်တစ်လုံးတွင် အကောင့်စင်တာ > ကိုယ်ရေးအချက်အလက် စင်တာ > အကောင့် ဖျက်ခြင်း သို့ သွားပါ။

မျက်နှာပြင်ပေါ်တွင် သင့်အကောင့်ကို ဖျက်ရန် ရွေးချယ်မှုကို ပြမထားပါက နောက်ဆုံးထွက် ဗားရှင်းသို့ အပ်ဒိတ်လုပ်ရန် အကောင့်စင်တာ > ဆက်တင် > အပ်ဒိတ် စစ်ဆေးမှု သို့ သွားပါ။

• အကောင့်တစ်ခုထဲ ဝင်ရောက်ထားသည့် စက်များကို စီမံခြင်း

နည်းလမ်း 1-

အကောင့်စင်တာ > စက်များ သို့ သွားပြီး သင် ဖျက်လိုသော စက်ကို ရွေးချယ်ပါ။ စက် အချက်အလက် မျက်နှာပြင်တွင် အပေါ် ညာဘက်ထောင့်ရှိ အစက်သုံးစက် မီနျူးကို နှိပ်ပြီး ဖျက်ရန် ကို နှိပ်ပါ။ ယင်းသို့လုပ်လိုက်လျှင် ဤစက်တွင် သင့်အကောင့် ထွက်သွားမည်ဖြစ်ပြီး ယုံကြည်ရသည့် စက်များ စာရင်းမှ ထိုစက်ကို ဖယ်ရှားလိုက်ပါမည်။ (ဤနည်းလမ်းဖြင့် လက်ရှိစက်မှ အကောင့်ကို ထွက်သွားစေမည်မဟုတ်ကြောင်း သတိပြုပါ။)

နည်းလမ်း 2-

သင့်စကားဝှက်ကို ပြောင်းပြီးနောက် "အခြားစက်များမှ ထွက်ပါ" ဟူသော မက်ဆေ့ချ်ကို ပြသပါမည်။ လုပ်မည် ကို နှိပ်လိုက်ပါက အခြားစက်များ သို့မဟုတ် ဝက်ဘ်ဆိုဒ် ဘရောက်ဇာ အားလုံးမှ သင့်အကောင့် ထွက်သွားပါမည်။ ထပ်မံဝင်ရောက်ရန် သင့်စကားဝှက်အသစ်ကို ရိုက်ထည့်ရန် လိုပါသည်။

• ကျွန်ုပ်၏အကောင့်နှင့် ချိတ်ထားသည့် ကျွန်ုပ်၏ဖုန်းနံပါတ်/အီးမေးလ် လိပ်စာသို့ ပေးပို့လိုက်သည့် အတည်ပြု ကုဒ်ကို မရရှိပါ

1. ဖုန်းနံပါတ် သို့မဟုတ် အီးမေးလ် လိပ်စာ မှားယွင်းနေခြင်း ဖြစ်နိုင်သည်။

မှန်ကန်သော ဖုန်းနံပါတ် သို့မဟုတ် အီးမေးလ် လိပ်စာကို ရိုက်ထည့်ထားသည်မှာ မှန်ကန်ကြောင်းစစ်ဆေးပါ။

2. ထိုမက်ဆေ့ချ်ကို ဆက်သွယ်ရေး ကယ်ရီယာ သို့မဟုတ် အီးမေးလ် ဝန်ဆောင်မှု ပံ့ပိုးရေး ကုမ္ပဏီက တားမြစ်ထားခြင်း ဖြစ်နိုင်သည်။

သင်က ဤကဲ့သို့ အသိပေး အချက်ပြမှု မက်ဆေ့ချ်များ သို့မဟုတ် အီးမေးလ်များကို အသုံးမလိုသော အချက်အလက်အဖြစ် တင်ပြထားခြင်း ဖြစ်နိုင်သည်။

• SMS- ထိုကဲ့သို့ အချက်အလက်ကို တားမြစ်မှုမှ ရပ်တန့်ရန် သင့်ဆက်သွယ်ရေး ကယ်ရီယာကို ဆက်သွယ်ပါ။
• အီးမေးလ်- အသုံးမလိုကြော်ငြာ မေးလ်ဘောက်စ်ထဲတွင် အတည်ပြု အီးမေးလ်ကို ရှာပါ။

3. အတည်ပြု မက်ဆေ့ချ်ကို သင့်ဖုန်းက တားမြစ်ထားခြင်း ဖြစ်နိုင်သည်။

သင့် SMS တားမြစ်စာရင်း ဆက်တင်များကို စစ်ဆေးပါ။ မက်ဆေ့ခ်ျ > တားမြစ်မှု သို့ သွား၍ အစက်သုံးစက် မီနျူးကို နှိပ်ပြီးလျှင် မက်ဆေ့ချ်သည် တားမြစ်ထားသော မက်ဆေ့ချ်စာရင်းထဲတွင် ရှိ၊ မရှိ ကြည့်ပါ။

4. ကွန်ရက် ချိတ်ဆက်မှု မကောင်းခြင်း ဖြစ်နိုင်သည်။

ကွန်ရက်လိုင်းဖမ်းယူမှု မကောင်းခြင်း သို့မဟုတ် ဆက်သွယ်ရေး ကယ်ရီယာ၏ ကွန်ရက်ကို မရရှိနိုင်ခြင်းကဲ့သို့ အကြောင်းအချက်များကြောင့် ဆာဗာက ပေးပို့လိုက်သည့် အတည်ပြု မက်ဆေ့ချ် နောက်ကျနေခြင်း ဖြစ်နိုင်သည်။ ခဏစောင့်ပါ သို့မဟုတ် ပိတ်ပင်တားမြစ်ချိန် ကုန်လွန်သွားပြီးနောက် အတည်ပြု ကုဒ်ကို ထပ်မံရယူပါ။

အကြံပြုချက်များ- အတည်ပြု ကုဒ် တောင်းခံနိုင်သည့် အများဆုံး အရေအတွက် ပြည့်သွားပါက နောက် 24 နာရီကြာမှ ထပ်မံကြိုးစားပါ။